客家蛋角蘿蔔煲，
係客家名菜之一；
呢排冇得返惠州食，
唯有自己整嚟食啦!
材料: 蘿蔔1斤個、豬肉碎$25、雞蛋4隻、清雞湯300ml、薑3片、
白胡椒碎、蔥花
醃料: 豉油半湯匙、鹽半茶匙、糖1茶匙、生粉少許、麻油少許
做法: 豬肉碎落醃料醃30分鐘；白蘿蔔去皮切條；雞蛋落少許鹽發勻；
燒熱油鑊後轉小火落蛋液煎至蛋皮半熟後，
將豬肉碎放入蛋皮中間，用鑊鏟和筷子將蛋皮蓋住豬肉餡，
慢慢煎至蛋角形狀後盛起(豬肉餡唔熟唔緊要架)；
將清雞湯、薑片和1碗水放入煲內煮滾，落蘿蔔和白胡椒碎滾8~10分鐘後，
舖上蛋角再滾多8分鐘，最後落鹽調味和灑上蔥花便成。
~胡椒粉落多多都唔怕，啖湯會好味D架!
~煎蛋角一定要慢慢煎，唔可以心急啊!
~肉餡唔熟唔緊要，因為會再落鍋煮呀!
啲蛋煎得好靚呀！
回覆刪除初衫煎果幾隻好鬼醜樣，煎多幾隻就慢慢知道技巧架啦!
刪除好味
回覆刪除聽親戚講，呢個餸好多時過年先會整，因為都幾花時間架!
刪除哈哈，我成日都想食蛋角，細時過時過節都有得。 不過太懶。 原來用平底鑊都可以煎到。
回覆刪除其實正索係用大鐵湯羹燒熱整蛋皮，用pan煎有少少難度架!
刪除你好有心機煎,蛋角好靚
回覆刪除呢個餸係心機餸，唔可以急架!
刪除