娃娃菜粉絲釀豆腐卜煲

 

冬天食煲仔菜就最啱喇!

一嚟煲仔菜熱辣辣上枱，

食完個煲仲暖嘅；

二嚟我又可以洗少隻碟，

哈哈，

真係幾正架!

材料: 豬肉碎半斤、豆腐卜$10、娃娃菜1.5個、冬菇6隻、

蝦米仔2湯匙、粉絲適量、清雞湯2碗

醃料: 豉油1湯匙、蠔油大半湯匙、糖1茶匙、生粉1茶匙、

紹酒少許、麻油少許

做法: 冬菇浸軟去蒂切粒；蝦米浸洗；娃娃菜切段後清洗乾淨；

豆腐卜沖水後揸乾水份切半；粉絲浸軟後隔去水份；

將豬肉碎、冬菇碎和蝦米放入大碗內，加入調味攪至起膠後，醃15分鐘；

把豬肉餡釀入豆腐卜內；燒熱鑊落少許油，把有肉餡嘅豆腐卜煎至轉色，

反轉豆腐卜後，加入清雞湯2碗和水半碗煮至翻滾2分鐘，

落娃娃菜後加鑊蓋炆煮5分鐘，最後落埋粉絲煮至軟身，

按個人口味加鹽調味便成。

~呢度係半份豆腐卜，仲有半份留番下餐食呀!

~釀豆腐卜，我鐘意買大size嘅豆腐卜嚟釀架!

 

大家可以入嚟Facebook讚下我新開嘅Fans專頁呀!

雀后(添飯)Facebook Fan Page