芥菜咸排骨蝦乾煲

屋苑附近開咗間果欄先生(賣菜和生果)，

由於貨源充足，

價錢自然平好多啦!

所以開業初期吸引好多人去買嘢，

人和貨爭路(貨物擺哂出街)，

攪到周圍衛生特別差，

我見到咁多人都怕怕呀!

但當熱潮過後，

我見噚日冇咩人排隊(俾錢)，

咪入去行咗一轉囉!

D菜和生果又真係幾平，

我買咗娃娃菜(3個)和翠肉瓜(2條)，

兩款$12，

芥菜(3棵)和油麥菜(3棵)，

兩款$10，

夾埋4種菜都係$22，

所以吸引咗好多師奶(如我)去買嘢囉!

材料: 芥菜3棵、唐排1斤、蝦乾廿隻、白胡椒碎適量、薑8塊、紹酒少許

做法: 將唐排、薑4片和紹酒出水後沖洗乾淨，加1茶匙鹽醃半日；

芥菜洗淨後莖和葉分開切段；蝦乾浸軟備用；

煮滾6碗水，加入薑4片、唐排和蝦乾煲滾後，轉小火慢慢煲1小時；

落芥菜莖先煲10分鐘(用中小火)，再加芥菜葉滾多2~3分鐘，

最後按個人口味加鹽和白胡椒碎調味便成。

芥菜的營養分析

芥菜含有維生素A、B族維生素、維生素C和維生素D很豐富。具體功效有提神醒腦，芥菜含有大量的抗壞血酸，是活性很強的還原物質，參與機體重要的氧化還原過程，能增加大腦中氧含量，激發大腦對氧的利用，有提神醒腦，解除疲勞的作用。其次還有解毒消腫之功，能抗感染和預防疾病的發生，抑制細菌毒素的毒性，促進傷口癒合，可用來輔助治療感染性疾病。還有開胃消食的作用，因為芥菜腌制後有一種特殊鮮味和香味，能促進胃、腸消化功能，增進食慾，可用來開胃，幫助消化。最後還能明目利膈、寬腸通便，是因芥菜組織較粗硬、含有胡蘿卜素和大量食用纖維素，故有明目與寬腸通便的作用，可作為眼科患者的食療佳品，還可防治便秘，尤宜於老年人及習慣性秘者食用。

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page