天氣咁熱又想食炸嘢，
但又唔想開油鑊，
個氣炸鍋就幫到妳喇!
今日整咗氣炸芝麻雞，
簡單又好味道，
真係會食唔停口架!
今日天氣實在太熱啦!
我一早落街晨運已經熱到標哂汗，
捱到中午終於都頂唔順~開冷氣!
夜晚熱到真係唔想食飯，
我滾咗絲瓜豆腐魚尾湯，
飲咗2碗湯，
食咗半碗飯，
已經冇胃口呀!
事隔3年，
我上次返惠州買到靚甜梅菜喇!
堂弟婦幫我買咗4斤幾梅菜約12蚊斤，
咁多梅菜唔係我一個人食架!
分咗1大棵俾姑奶，
仲有遲下會分埋俾母親大人和姐姐，
剩番自己食嘅都唔係好多咋!
今日我見大家都放假在家，
所以買齊材料包餃子~韭菜豬肉雞蛋餃，
大魔怪女朋友仔幫手包，
初初唔熟手包得唔係咁靚，
但之後越包越靚呀!
其中30隻餃子煮河粉做午餐呀!
今日大魔怪女朋友仔嚟食飯，
煲咗煲靚湯~印度椰子雪耳紅蘿蔔粟米煲豬腱，
麻辣雞煲雜錦、滷水豬軟骨和炒芥蘭，
簡簡單單3餸1湯，
白飯任裝!
個湯我加咗6隻雞腳落去一齊煲，
啖湯好鮮甜呀!
今日佛誕假期，
我哋一家四口子都在家食午飯，
炆咗一大鍋肉絲雜菌炆伊麵；
我炆咗5個伊麵緊係食唔哂啦!
咁唯有留番夜晚再食過。
今日買咗2條豬腩排，
留起幾件用嚟蒸飯食，
兩個人食午餐越簡單越好，
灼多幾條菜咁就一餐架喇!
今日買咗隻雞整芽菜手撕雞，
啖啖肉，
簡單又好送飯，
添飯吖唔該!
噚日，
我哋去咗沙田妹妹家，
齊齊慶祝母親大人74歲生日，
4個孫夾錢送咗個生日蛋糕俾婆婆，
夜晚我哋就去石門彩福皇宴食晚飯!
叫咗個10人份圍餐，
我哋12人驚唔夠食，
所以叫多半隻燒鵝和一碟乾燒伊麵呀!
响759亞信屋買咗2pack蝦滑，
我見過有人用嚟打邊爐灼嚟食，
但今次我襯屋企有罐頭粟米粒，
攞咗2湯匙粟米粒撈落D蝦滑度，
跟手落鑊煎嚟食，
蝦滑有蝦肉粒，
食落都彈牙架!
未食過嘅朋友仔可以一試呀!
(蝦滑已有味道，唔需要再調味呀!
响屋企附近商場，
有檔大集團嘅菜檔買嘅菜都特別平，
例如標價$10、$12或$15等，
佢哋可以係同價錢嘅蔬菜裡買兩份蔬菜，
所以噚日我買茄子2條+娃娃菜1包夾埋都係$15，
真係好抵買；
雖然佢哋賣菜特別平，
但環境衛生做得唔係太好外，
員工態度差到成日同客人嘈交，
所以我都唔係成日幫襯呀!
今晚得一碟餸~客家釀茄子，
用冬菇豬肉蝦米和乾蔥一齊釀，
2大條茄子煮起一大碟，
我食咗5件，
好滿足呀!
今日我响佳寶見到有急凍鵝翼賣，
啱啱開箱又幾靚喎，
於是買咗6隻返屋企，
咁啱雪櫃仲有半支瑞士汁，
啱哂喇!
就整瑞士汁鵝翼啦!
不過鵝翼骨太硬，
好難斬開，
斬咗4隻後我對手都已經冇哂力，
最後果兩隻就咁煮嚟食，
大大隻食仲過癮呀!
(事後覺得煮完先斬應該會好D呀!)
母親節果日食咗個好味道嘅東南亞咖哩牛腩和羊腩，
配埋我至愛嘅薄餅一齊食，
攪到我越諗越想再食呀!
今日買咗磅幾牛肋條，
用我至愛嘅秘製魚蛋醬，
整咗鍋咖哩牛腩，
見雪櫃仲有幾粒魚蛋，
加埋落去一齊煮，
煎埋幾塊香蔥薄餅點咖哩食，
好滿足呀!
今日買咗2條急凍黃花魚$36，
雖然要自己打鱗和自己劏魚，
但勝在黃花魚肉夠哂滑，
又唔算好多骨，
煎香佢特別好食呀!
今日母親節，
我、老公、大魔怪&女朋友仔和小魔怪，
一行5人齊齊去慶賀母親節呀!
佢哋揀咗元朗形點1期~Chilli Lime。
大魔怪女朋友仔一嚟到，
就送咗支毛線織嘅花俾我，
好開心呀!
我哋一家大細都好鐘意食呢個白汁蘑菇雞絲燴意粉，
原因係簡單又好味道，
每隔個星期六日，
我都會煮嚟食架!
停辦3年嘅天后誕大巡遊，
今年仍然停辦，
但小型巡遊就復辦啊!
我和老公遲咗落元朗，
差D連旗都睇唔到呀!
睇唔到舞龍，
好彩都睇到舞獅；
今朝行路有點多，
我對黃腫腳有D痛，
睇咗一陣就返屋企囉!
買咗老公鐘意食嘅椰絲包，
仲買埋壽司買屋企食$132，
大小魔怪都WFH，
好熱鬧呀!
今日買咗隻大豬手(3斤)，
買埋蓮藕和花生一齊炆，
補下我對黃腫腳(已經好番9成9 )，
今晚食咗3舊豬手連皮，
我已經充滿骨膠原喇!
今日我對黃腫腳好番都有8成，
雖然行路仲係趷下趷下，
但我都有落咗街龜速慢慢行，
量力而為唔敢行咁遠，
行咗一陣食埋個早餐就買餸煲湯，
晚餐有五指毛桃椰子片栗米紅蘿蔔馬蹄煲西施骨，
支竹炆排骨和蒜蓉炒菜芯。
5月5日星期五，
我、老公和姑奶三個人，
齊齊返惠州，
落車約咗朋友去食午飯。
呢碟雞翼係上兩星期炸架!
點解咁耐先post，
原因係每日我都會煮唔同餸菜，
有可能會有漏咗寫食譜，
今次終於排到佢喇!
嘻嘻，
不過依家睇番都覺得好似聞到蝦醬味道呀!
今日一早煲咗沙參玉竹清補涼豬腱湯，
午餐我哋兩個人食臘腸排骨蒸飯；
而夜晚果餐通常我和老公兩個人先食(約6點半)，
留飯餸俾大魔怪(約8點)，
至於小魔怪就好少返嚟食晚飯喇!
今晚晚餐飲沙參玉竹清補涼豬腱湯外，
仲有食黃豆醬豆角炆排骨和咖哩薯仔洋蔥牛筋腩，
簡簡單單又一餐!
呢排食嚟食去都係雞豬魚，
好似好耐冇食牛喇!
所以今朝就買咗牛肋條和熟牛筋嚟炆咖哩呀!
我用李錦記咖哩醬，
香而不辣，
都唔錯架!
今日菠菜13蚊斤，
平咗喎!
於是買咗斤返屋企煮金銀蛋菠菜燴肉碎，
呢個餸濕濕哋，
有肉有菜又有皮蛋咸蛋，
加幾粒杞子落去又靚又有營養，
真係好送飯呀!
