肉絲雜菌炆伊麵

今日佛誕假期，

我哋一家四口子都在家食午飯，

炆咗一大鍋肉絲雜菌炆伊麵；

我炆咗5個伊麵緊係食唔哂啦!

咁唯有留番夜晚再食過。

材料: 梅頭豬肉$35、雜菌(鮮冬菪、蘑菇、秀珍菇)、伊麵5個、

韭黃$3、芽菜$5、麻油少許、蒜蓉

醃料: 豉油1湯匙、鹽半茶匙、糖1茶匙、生粉1茶匙、麻油少許

調味: 蠔油1,5湯匙、豉油1湯匙、老抽適量、香菇粉1茶匙、糖1茶匙

做法: 燒熱水落伊麵灼至軟身後撈起及沖水備用；韭黃切段；

梅頭豬肉切絲，落醃料醃30分鐘；芽菜放入熱水鑊內灼30秒後撈起；

燒熱鑊不需落油炒雜菌至出菇水後撈起備用；

燒熱鑊落油炒豬肉絲和蒜蓉至肉絲半熟後，

加入雜菌、伊麵、調味和1.5碗水，炆至差不多收汁，

最後落埋芽菜和韭黃撈勻至韭黃熟後，灑少許麻油撈勻便成。

  

大家可以入嚟Facebook讚下我新開嘅Fans專頁呀!

 

雀后(添飯)Facebook Fan Page