金銀蛋菠菜燴肉碎

今日菠菜13蚊斤，

平咗喎!

於是買咗斤返屋企煮金銀蛋菠菜燴肉碎，

呢個餸濕濕哋，

有肉有菜又有皮蛋咸蛋，

加幾粒杞子落去又靚又有營養，

真係好送飯呀!

材料: 菠菜1斤、豬肉碎適量、咸蛋1隻、皮蛋1隻、蒜蓉、杞子適量

調味: 豉油1茶匙、糖少許、鹽少許、生粉少許、麻油少許

做法: 菠菜去菜頭洗淨備用；咸蛋烚熟後去殼切粒；皮蛋去殼切粒；

豬肉碎落醃料醃15分鐘；杞子浸軟備用；

燒熱水落少許油，灼菠菜至軟身後撈起上碟，隔去多餘水份；

燒熱油鑊落豬肉碎和蒜蓉炒勻至8成熟，

加入皮蛋粒、咸蛋粒、1碗半水，煮至肉熟後，

加入杞子煮多1分鐘，按個人口味落鹽和糖調味後，

將金銀蛋肉碎淋在菠菜面便成。

  

大家可以入嚟Facebook讚下我新開嘅Fans專頁呀!

雀后(添飯)Facebook Fan Page