唔想再食了無新意的家常菜？唔知外面的餐廳有無用地溝油？ 覺得下廚好難、好麻煩？定係，根本無時間下廚？ 無論如何，自己親手烹調的最健康、最美味同安全﹗ 幸福可以好簡單，為自己的家人洗手作羹湯， 雖然平凡，卻絕對是人間美味。 平凡的食材、用簡單步驟，就能令你同家人一齊感受舌尖上的幸福﹗ 雀后，自問只是一名平凡的家庭主婦，然而她每天都會用心經營，為家人送上最暖的心意，煮出一道道幸福美味。自從大小魔怪出生後，雀后從不假手於人，一家大小的飲食都是她一手包辦，由買餸醃肉到落手落腳煮，都親力親為，務求家人食得健康，食得開心﹗
今日買咗隻雞整芽菜手撕雞，
啖啖肉，
簡單又好送飯，
添飯吖唔該!
材料: 冰鮮雞1隻、銀芽(芽菜)$5、薑蓉、蔥粒
醃料: 鹽1湯匙、紹酒半湯匙
調味: 蒸魚豉油適量、鹽少許、麻油少許、滾油適量
做法: 洗乾淨雞後，用廚紙抹乾水份，落醃料搽勻雞全身醃半日或隔夜；
從雪櫃取出雞，放室溫45分鐘，放入熱水鑊內蒸30分鐘，
熄火後唔好開蓋焗多5分鐘，取出待涼拆肉；
燒熱水加少許鹽，烚銀芽30秒，撈起瀝乾水份備用；
燒熱油鑊將滾油淋在薑蓉和蔥粒面，加調味攪勻，
淋在芽菜雞絲面便成。
好味
啖啖肉，好正架!
好適合夏天吃,正!
係，食完都唔會出汗呀!
如果大家覺得我煮嘅餸菜啱哂口味嘅話，不妨留個言，鼓勵下我啦!
好味
回覆刪除啖啖肉，好正架!
刪除好適合夏天吃,正!
回覆刪除係，食完都唔會出汗呀!
刪除