返鄉下

5月5日星期五，

我、老公和姑奶三個人，

齊齊返惠州，

落車約咗朋友去食午飯。

新屋裝修因疫情關係而停頓，

又係時候要繼續喇!

爭取6月前完工呀!

返到村屋打掃完後就開枱啦!

 

晚飯就去村屋附近飯店食飯(行唔使1分鐘)，

10個大人3個小朋友，

呢餐食咗$500，

好抵食呀!

5月6日星期六，

我哋早早去附近市場食早餐和買D濕碎嘢，

依家出街真係唔使帶銀包，

全程手機支付，

好方便呀!

返到屋企坐一陣，

又去行街街喇!

AEON超市真係好鬼好行，

又大又多嘢睇，

行幾個鐘都冇問題呀!

中午又去飲茶，

今次7個大人2個小朋友，

食咗$384。

食飽飽，

返屋企打麻雀，

打到晚上6點就去弟弟家飯，

充滿家鄉的味道呀!

不幸的事就係食完飯準備回家後發生了，

我落樓梯時叉錯腳扭親隻腳呀!

當晚已經搽咗幾次藥酒，

但當我第二日(5月7日星期日)瞓醒後，

左右腳同時都痛到行唔到呀!

原本星期日返香港都應該返唔到架喇!

食完早餐後，

弟婦拿拿聲call車車我去骨科醫院睇專科醫生，

掛急症後即刻見醫生，

照埋X-ray再見醫生，

1小時都唔使呀!

好彩冇骨折只是扭傷，

但check到我有骨刺呀!

千辛萬苦慢慢行返上3樓村屋，

整日我都冇再落街喇!

冇嘢做又繼續打牌啦!

唔想再麻煩弟婦煮飯，

第一次係美團落單點外賣，

有呢次經驗，

就會有下下下次架啦!

晚餐就係第一日晚上果間飯店買外賣，

簡簡單單，

仲係好好味道呀!

5月8日星期一，

前晚至今朝，

來來回回搽咗7～8次跌打酒，

今朝可以碎步行路，

今日決定返香港啦！

老公買嘅早餐$18。

過關前係羅湖城去埋廁所先，

經過周黑鴨買幾盒小食返香港。

上面呢支趺打酒係惠州買，

搽下搽下又唔差喎!

我哋裝咗半支返香港用嚟睇門口呀!

 

大家可以入嚟Facebook讚下我新開嘅Fans專頁呀!

雀后(添飯)Facebook Fan Page