唔想再食了無新意的家常菜？唔知外面的餐廳有無用地溝油？ 覺得下廚好難、好麻煩？定係，根本無時間下廚？ 無論如何，自己親手烹調的最健康、最美味同安全﹗ 幸福可以好簡單，為自己的家人洗手作羹湯， 雖然平凡，卻絕對是人間美味。 平凡的食材、用簡單步驟，就能令你同家人一齊感受舌尖上的幸福﹗ 雀后，自問只是一名平凡的家庭主婦，然而她每天都會用心經營，為家人送上最暖的心意，煮出一道道幸福美味。自從大小魔怪出生後，雀后從不假手於人，一家大小的飲食都是她一手包辦，由買餸醃肉到落手落腳煮，都親力親為，務求家人食得健康，食得開心﹗
事隔3年，
我上次返惠州買到靚甜梅菜喇!
堂弟婦幫我買咗4斤幾梅菜約12蚊斤，
咁多梅菜唔係我一個人食架!
分咗1大棵俾姑奶，
仲有遲下會分埋俾母親大人和姐姐，
剩番自己食嘅都唔係好多咋!
材料:甜梅菜半棵、梅頭豬肉$40
醃料: 豉油1湯匙、鹽半茶匙、糖1茶匙、麻油少許、生粉1茶匙
做法: 將梅菜浸洗20分鐘後切粒；將梅頭豬肉切片後，
將豬肉混合梅菜和醃料攪勻，放入熱水鑊內用大火蒸15分鐘便成。
~買梅頭豬肉嚟蒸嘅話，一定帶少少肥先好食，食落D豬肉好爽脆架!
睇嚟下次要買10斤8斤先夠分呀~
哈哈，唔好啦!好重架! @@"
如果大家覺得我煮嘅餸菜啱哂口味嘅話，不妨留個言，鼓勵下我啦!
睇嚟下次要買10斤8斤先夠分呀~
回覆刪除哈哈，唔好啦!好重架! @@"
刪除