响屋企附近商場，
有檔大集團嘅菜檔買嘅菜都特別平，
例如標價$10、$12或$15等，
佢哋可以係同價錢嘅蔬菜裡買兩份蔬菜，
所以噚日我買茄子2條+娃娃菜1包夾埋都係$15，
真係好抵買；
雖然佢哋賣菜特別平，
但環境衛生做得唔係太好外，
員工態度差到成日同客人嘈交，
所以我都唔係成日幫襯呀!
材料: 娃娃菜2棵、豬肉碎適量、咸蛋1隻、皮蛋1隻、蒜蓉、
杞子適量、薑3片
醃料: 豉油1茶匙、糖少許、鹽少許、生粉少許、麻油少許
調味: 蠔油大半湯匙
做法: 娃娃菜每棵切開6份，落鹽水浸10分鐘；
咸蛋烚熟後去殼切粒；皮蛋去殼切粒；
豬肉碎落醃料醃15分鐘；杞子浸軟備用；
燒熱水落少許油和薑，落娃娃菜炒勻後，
落鹽少許和水煮至娃娃菜熟後上碟(記得隔去多餘水份)；
燒熱油鑊落豬肉碎和蒜蓉炒勻至8成熟，
加入皮蛋粒、咸蛋粒和1碗半水煮至肉熟後，
加入杞子煮多1分鐘，按個人口味落蠔油調味和落生粉水埋芡汁，
最後將金銀蛋肉碎淋在娃娃菜面便成。
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!