今晚老公話唔想食飯，
簡單啦!
嘻嘻，
整咗碗鮑魚麵佢嘆下，
爽唔爽呢???
呢兩日，
我胃酸過多比較嚴重，
瞓覺時個胃特別唔舒服，
噚晚半夜仲要拿拿臨起身食抗胃酸藥，
攪到我冇覺好瞓呀!
今日諗住煲粥食，
菜乾蠔豉排骨粥，
老公話好多料，
但我煲完粥又冇胃口，
下午和晚上每餐食咗1碗粥，
都唔覺肚餓呀!
今朝炒米粉做午餐，
雪菜肉絲魚片炆米粉，
加咗椰菜和甘筍絲一齊炒，
大大鑊，
食咗2餐呀!
加埋我至愛嘅辣醬，
我食咗2碗囉!
今日我突然間好想食炆米粉，
我鐘意買呢隻天鵝牌米粉，
佢炆、炒和放湯都得架!
今次用咗椰菜、甘筍、豬肉片和雞蛋炒埋一碟，
兩個米粉炆咗一大鑊，
我和老公食足兩餐呀!
近排我好鐘意食呢款河粉，
煮湯粉又得，
炒粉又得，
今次用佢嚟炒菜遠肉片河粉，
加少少我至愛嘅XO醬拌食，
非常惹味呀!
雪櫃仲有半盒清雞湯，
今餐就用佢嚟煮烏冬，
摷下雪櫃有咩食材就放落去，
3個人食4個烏冬，
啱啱夠食咋!
屋企食剩咗幾塊叉燒，
今日就用佢嚟炒飯，
呢個揚州炒飯有好多料，
叉燒、蝦仁、雞蛋和菜芯粒，
簡單又好味道呀!
今日細仔WFH，
整咗佢至愛嘅脆卜卜麵；
今次我用咗3個蝦子麵嚟氣炸，
其實用全蛋麵都得架!
今晚得我和老公2個人食晚餐，
簡單用咗3個烏冬和一個娃娃菜，
煮咗一大鍋榨菜肉絲湯烏冬；
嘻嘻，
老公話2個烏冬都夠食，
唔使煮3個啦!
剩番的明天做早餐。
今日新抱仔和BB出院啦!
親家母叫咗朋友幫忙接佢哋出院，
咁我哋在家可以休息一日，
明天和後天，
我就要出去幫忙幫忙，
減輕新手爸爸和媽媽嘅壓力，
好彩仲有親家母和工人姐姐幫手湊BB，
幾個大人湊1個B，
應該都湊得掂呀!
今晚晚餐食炒河粉，
豉椒濕炒肉片河，
濕濕哋易入口呀!
噚日小魔怪WFH，
煮咗蝦仁肉片炒烏冬做午餐，
炒咗3包烏冬，
點知小魔怪話唔夠食喎!
平時我和老公食都係炒3包烏冬，
我哋兩個係食唔哂，
仲剩一大碗架!
估唔到依家小魔怪咁大食，
咁我下次要炒多D先得啦!
呢排我腸胃唔多舒服，
胃酸特別多，
攪到胃口真係麻麻哋，
所以今日煲咗一大煲粥，
午餐和晚餐都係佢，
食清D，
希望可以舒緩下啦!
食剩幾件叉燒，
用嚟炒飯就最啱啦!
我加咗兩隻雞蛋和4棵菜芯落去一齊炒，
特別好味道呀!
噚晚買嘅燒味套餐實在太豐富，
我、老公和小魔怪根本食唔哂，
所以我將食剩嘅叉燒切絲，
用嚟炒咗呢個瑞士汁叉燒炒烏冬，
做咗我和老公嘅午餐呀!
之前買咗包蛋炒麵，
今日就用佢嚟整咗呢碟菜芯雞絲炆麵，
我煮咗兩個麵，
我和老公兩個人食量唔多，
啱啱好呀!
今日午餐食意粉，
黑椒雞絲洋蔥炒意粉，
炒咗一大鑊，
夠食兩餐呀!
今日見小魔怪係屋企食午餐，
簡單整咗榨菜肉絲蒸米粉一齊食，
呢個蒸米粉快靚正，
加埋我至愛嘅老干媽，
即刻胃口大開，
我食咗2碗米粉呀!
噚日慶祝母親節食完自助餐後，
我同老公都話要食清D呀!
所以今晚就整咗呢個榨菜肉絲蒸米粉，
簡單好味又易做，
仲好好味添架!
配埋我至愛嘅老干媽，
絕配呀!
今日午餐好簡單，
整咗一大鍋芝士卡邦尼蘑菇肉碎火腿意粉；
買咗罐卡邦尼蘑菇意粉醬，
加上自己喜歡嘅食材，
今次我就加咗蘑菇、豬肉碎、火腿和芝士片，
以上3個人食，
每人食咗2碟，
好滿足呀!
我和老公2個人食飯都唔知食咩好，
所以簡單整咗個豉汁排骨蒸飯，
咁灼埋幾條菜就食得啦!
