今日午餐食意粉，
黑椒雞絲洋蔥炒意粉，
炒咗一大鑊，
夠食兩餐呀!
材料: 意粉適量、黑椒雞扒2塊、洋蔥1個、蒜蓉、黑椒碎適量、鹽半茶匙
醃料: 豉油1湯匙、、鹽半茶匙、糖1茶匙、生粉少許
調味: 蠔油1.5湯匙、老抽1湯匙、豉油半湯匙、糖1茶匙、煮意粉水適量
做法: 燒熱水加鹽半茶匙煮意粉10分鐘，
隔去水份(記得留大半碗煮意粉水)；洋蔥切粒；
雞扒解凍後落醃料醃1小時；燒熱油鑊落雞扒煎至熟後切絲；
原鑊加少許油落蒜蓉和洋蔥炒香，落意粉和調味，煮至意粉乾身後，
落埋雞絲炒勻，最後灑上黑椒碎便成。
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!