噚日母親大人攞咗D菜乾俾我，
今日就買齊材料煲湯，
金銀菜咸鴨腎紅蘿蔔煲豬腱，
配陳皮、南北杏、瑤柱和蜜棗，
呢個湯有清熱潤肺、止咳生津和通便利水等功效架!
材料: 菜乾1扎、白菜5棵、咸鴨腎4個、豬腱$50、紅蘿蔔1個、
南北杏1湯匙、瑤柱5粒、蜜棗3粒、陳皮半個
做法: 菜乾浸軟剪段；紅蘿蔔去皮切件；白菜洗淨切半；
豬腱出水後，加少少鹽醃30分鐘；陳皮浸軟後去囊；
咸鴨腎、瑤柱、南北杏和蜜棗沖水備用；
將12碗水和陳皮放入煲內煮滾後，加入所有材料(除白菜外)，
煲滾後轉小火煲1.5小時，加入白菜煲15分鐘，再撈起咸鴨腎切片後，
再放入煲內煲多15分鐘，按個人口味落鹽調味。
~不過咸鴨腎有咸味，而我又用鹽醃過D豬腱，所以我今次煲湯冇落鹽呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!