今日見小魔怪係屋企食午餐，
簡單整咗榨菜肉絲蒸米粉一齊食，
呢個蒸米粉快靚正，
加埋我至愛嘅老干媽，
即刻胃口大開，
我食咗2碗米粉呀!
材料: 米粉4個、梅頭豬肉$40、即食榨菜絲1包、蔥粒、麻油少許
醃料: 蠔油半湯匙、豉油1湯匙、鹽半茶匙、糖1茶匙、
生粉1茶匙、麻油少許
撈米粉料: 豉油1湯匙、油半湯匙
做法: 梅頭豬肉切絲，落醃料醃15分鐘；米粉用暖水浸軟後，
用手鬆開米粉隔水15分鐘，加入撈米粉料撈勻米粉，放入蒸碟內；
倒出即食榨菜沖沖水，加入梅頭肉絲內撈勻，舖在米粉面，
放入熱水鑊內蒸15分鐘後，灑上蔥花後蒸多1分鐘，
最後淋少許麻油便成。
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!