唔想再食了無新意的家常菜？唔知外面的餐廳有無用地溝油？ 覺得下廚好難、好麻煩？定係，根本無時間下廚？ 無論如何，自己親手烹調的最健康、最美味同安全﹗ 幸福可以好簡單，為自己的家人洗手作羹湯， 雖然平凡，卻絕對是人間美味。 平凡的食材、用簡單步驟，就能令你同家人一齊感受舌尖上的幸福﹗ 雀后，自問只是一名平凡的家庭主婦，然而她每天都會用心經營，為家人送上最暖的心意，煮出一道道幸福美味。自從大小魔怪出生後，雀后從不假手於人，一家大小的飲食都是她一手包辦，由買餸醃肉到落手落腳煮，都親力親為，務求家人食得健康，食得開心﹗
前兩日買咗半隻燒鴨返嚟，
我和老公食極都仲有半盒，
最後我買咗個涼瓜返嚟，
炆咗一大碟豉汁涼瓜炆燒鴨，
有涼瓜老公即刻添飯又添餸，
清哂果半盒燒鴨呀!
材料: 雷公鑿涼瓜1個、燒鴨適量、蒜蓉、豆豉粒、生粉水
調味: 蠔油半湯匙、老抽少許、豉油少許、糖1茶匙、大半碗水
做法: 豆豉粒浸一陣，加入蒜蓉贊少許熱油撈勻備用；
涼瓜去囊後切片，燒熱水落少許鹽，灼涼瓜1分鐘左右後撈起；
燒熱油鑊蒜蓉豆豉炒勻後，加入涼瓜和贊紹酒少許炒勻，
加調味和燒鴨炆煮8~10分鐘至涼瓜腍身，最後加生粉水埋獻汁便成。
如果大家覺得我煮嘅餸菜啱哂口味嘅話，不妨留個言，鼓勵下我啦!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!