返惠州3日2夜

6月9日星期一

今日我、老公和姑奶一行3人，

去咗深圳東門，

老公話要袪手上嘅斑，

我就順便去修腳啦!

之後就去咗東門市集食嘢，

呢度有冷氣，

坐得好舒服呀!

我叫咗拉麵，

即叫即拉，

好有韌度，

我覺得唔錯呀!

食飽飽就叫滴滴車返惠州，

呢日惠州天氣好熱，

熱到我和老公都唔想出街，

揀咗套戲嘆住冷氣係屋企慢慢睇，

晚餐就叫美團外賣，

姑奶就自己去按摩兼食嘢呀!

我夜晚遠望鵝城大橋色彩繽紛，

好靚呀!

仲有椰汁和薯片做小食，

呢一日好快過呀!

6月10日星期二

今日瞓醒覺就去食早餐，

每次都會幫襯屋苑食店，

真材實料，

啱哂我哋口味呀!

睇咗半套戲就返舊屋了解拆遷事宜後，

去附近商場食午餐，

就去AEON超市買嘢啦!

逢星期二係感謝日，

呢度有好多特價嘢，

買咗一大堆嘢都係35人仔左右，

好抵架!

返到屋企我和老公睇埋果半套戲後，

我瞓咗個晏覺，

瞓醒舒服哂；

晚餐就食正宗客家菜，

我哋問店員有咩好介紹，

佢霸氣咁話我哋呢度樣樣都好食，

妳鐘意食咩就叫咩，

吓好寸咁喎!

涼瓜黃豆排骨湯、客家白切雞半隻、蒜香排骨和炒菜芯，

承惠￥190。

6月11日星期三

原本噚日我哋要返香港喇!

但中間房冷凍壞咗，

約咗冷氣師傅今日下午4點嚟維修，

所以我有時間去修眉補色呀!

我哋去飲完茶就乖乖返屋企等師傅嚟整冷氣，

可惜師傅話冷氣電腦板壞咗，

要訂電腦板返嚟先整到，

另約時間再嚟整呀!

OK，

我哋返香港等師傅電話先得。

大家可以入嚟Facebook讚下我新開嘅Fans專頁呀!

雀后(添飯)Facebook Fan Page