之前買咗盒硬豆腐返嚟都有好幾日，
都唔知煮咩好，
今日買咗$15豬肉碎，
煮咗呢碟蠔油豆腐燴肉碎，
我懶到豆腐都冇煎到，
就咁成舊豆腐放入鑊，
用個鑊鏟整散舊豆腐，
嘻嘻，
懶得就懶呀!
材料: 硬豆腐1盒、肉碎$15、生粉水
醃料: 豉油1茶匙、老抽少許、糖1茶匙、生粉1茶匙、麻油少許
調味: 蠔油大半湯匙、老抽少許、糖1茶匙
做法: 肉碎用醃料醃30分鐘；燒熱油鑊爆香肉碎，盡量將肉碎炒至散開後，
加入硬豆腐，用鑊鏟將豆腐鏟開成細粒，落調味和半碗水煮至汁濃，
落少少生粉水埋芡汁便成。
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!