元朗~正記菜館!

 

返埋聽日就放假啦!
今晚同校長和同事一齊食飯，
去咗同事嘅弟弟做嘢嘅地方食飯。
呢度晚晚好旺o架!
好多人會嚟呢度食晚飯和宵夜，
我哋早到所以可以坐二樓，
冇咁凍呀!
識人係唔同嘅，
D餸份量好大碟，
而且樣樣都嘢食都好好味，
我哋14個人不停咁食，
最後都係食唔哂。

印尼炸蝦片!

 

每逢過年，
老公一定要我炸印尼蝦片，
佢話好好食之外，
用嚟招呼人客都好嘛!
炸印尼蝦片我最拿手，
燒滾油，落蝦片，等佢浮起即用筷子或用鏟壓平蝦片，
撈起用抹手紙索油，
食唔哂用密實袋裝住就得!

又嚟蒸糕~自家製蘿蔔糕！

今朝7點幾，

我帶埋工人姐姐去街市買蘿蔔，

嘩!菜檔已經有幾十人買梗菜，

可能家家戶戶都係今晚團年嘅關係。

今年蘿蔔又係3蚊2斤，

聽同事話元朗有地方賣1蚊1斤呀!

買咗5個大蘿蔔有成10斤幾重，

用咗3個半蘿蔔約6斤，

整咗3個"削"嘅蘿蔔糕，

呵呵呵!我超鐘意食呀!

金滿棧!

 

今日我哋同母親大人提早團年，
經過上次過冬至的經驗，
母親大人話煮得辛苦，
呢次唔煮出街食。
佢搵咗間超抵食嘅舖頭，
價錢合理兼份量大碟，
雖然唔係咩名貴菜式，
不過飽到我哋食唔落，
仲可以打包兩盒餸攞番屋企。
呢間金滿棧係母親大人屋企附近o架!
埋單仲唔使加一添!

燉奶佬!

 

明天是學校家長日，
今晚要留校準備，
放工後與同事一家三口去燉奶佬食飯，
3餸3飯3湯3熱綠茶，
都係$114咋!

愛心馬蹄蒸肉餅!

呢個星期超級忙呀!

因為嚟梗星期六幼稚園要派成績表，

又要開始準備學校下星期二嘅新年party，

真係想偷懶都唔得呀!

今日親手剁咗個馬蹄豬肉餅俾大小魔怪食，

仲好攪鬼咁整咗個心型肉餅，

成個普通蒸肉餅即刻升呢呀!

蠔油三杯雞!

呢兩日返中國，

我同老公都冇食咩好嘢，

因為一來樣樣都貴咗，

二來兩個人都唔知食咩好，

所以我哋揀咗又平又靚又正嘅快餐，

有炖湯有碟頭飯，

都係15蚊人民幣咋!

工具!

 

今次返中國，
最主要係執吓中國間屋，
因為起碼有2個月冇返去，
而且臨近過年，
係時候攪攪衛生呀!
聽講話近排中國間屋樓價升得好勁，
所以順便探聽吓個價錢；
不過我家屋苑附近地鐵近日開通咗部份，
如果開通哂就可以由羅湖搭地鐵直接去到我屋苑，
由地鐵步行到我家唔使10分鐘，
好鬼方便，
依家老公又唔捨得買，
唯有繼續持有住先啦!

未返屋企之前，
我哋又去咗東門廚安居買嘢:
3袋蛋糕紙杯，
每條50個都係5.4人民幣1條；
1條蛋撻紙底600個9.4人民幣；
8個蛋撻模2.6人民幣1個；
6個鵝蛋型蛋糕杯4.2人民幣1個‧

哈哈笑~臘味排骨煲仔飯!

今日老公放半日假，

諗住去辦年貨；

去到超市睇D拜年禮物，

嘩!好貴呀!

真係買唔落手，

而且個個親戚D仔女都大哂，

真係都唔知買咩送俾佢哋好???

今日整咗個哈哈笑煲仔飯，

一開蓋見到個笑樣，

人都開心咗呀!

芝士洋蔥煙肉焗青口!

今日1月20日是農曆大寒，

不過又唔覺寒喎，

可能係冇落雨嘅關係，

好彩今日冇之前著咁多衫，

如果唔係實熱死我啦!

家鄉蓮藕餅!

大魔怪上星期已經考完試，

而小魔怪就仲考梗呀!

昨日，大魔怪一返嚟就話今次有幾科考得幾好，

見佢果排考試都好勤力溫書，

抵讚!

至於小魔怪呢，

係，佢係有少聰明，

不過唔係次次都咁醒，

呢排問親佢考成點，

佢就都話好易冇難道喎!

我俾佢激死呀!

海底椰鮮百合龍利葉南北杏煲西施骨湯!

又凍又乾的天氣，

一定要煲啖湯潤一潤，

見大小魔怪呢排成日都有少少咳，

買咗新鮮海底椰煲湯俾佢哋飲，

加埋鮮百合和龍利葉，

有止咳化痰和潤肺的功效啊!

記得飯前飲碗呀!

焗蕃薯!

熱辣辣焗蕃薯啱啱出爐，

襯熱食啦!

木耳白菜豬肉餃!

 

今日香港天氣又凍番，
落街買餸時，
D風吹過嚟刺骨o架!
拿拿聲買餸走人。
今日包咗木耳白菜豬肉餸子，
今次我都幾醒，
煮多4個烏冬，
咁大小魔怪就唔使嘈生哂話唔夠飽啦!
醃咗一大盆料，
留番聽日再包，
今次總共包咗64隻呀!
三種食法，
任君選擇!

慳皮碟頭飯!

昨晚老公去飲唔返嚟食飯，

又係我可以慳家嘅日子啦!

剩係買咗10隻雞全翼，

其餘料係屋企嘅物資，

咁又完成我哋嘅晚餐啦!

碟頭飯有: 南乳焗雞翼、煎午餐肉和豬頸肉炒娃娃菜!

奶奶的生日宴!

今日大家為奶奶慶祝95歲生日，
大伯訂咗一圍壽宴係天水圍天耀美心大酒樓，
方便我哋推奶奶去嘛!
我哋訂咗恭賀新禧迎佳節套餐~$3188。
部長知我哋係壽宴，
送埋蟠桃包和生果拼盆添!
開餐前，
梗係切我整嘅芝士蛋糕啦!

朱古力粒小蛋糕!

呢個蛋糕係2011年第一次焗嘅蛋糕，

揀咗大小魔怪鐘意食嘅朱古力粒，

一出爐，

大小魔怪已經想走嚟攞啦!

好在我叫住佢哋，

唔係就連相到影唔到呀!

印尼粟米煎餅!(附上另一個簡易版)

 上星期日睇和味蘇，

果集蘇玉華介紹印尼餸，

即刻叫工人姐姐睇，

佢不知睇得幾開心，

仲話識整粟米餅添!

嘻嘻!

今日有得食啦!

工人姐姐話印尼舖頭一塊粟米餅賣$3。

寒冷天氣警告!

 

今朝超超超凍呀!
我做嘢嘅地方得6度咋!
件羽絨都好似未離開過我；
至於我家的小魔怪，
只係著多件羊毛底衫，
加校服恤衫、冷背心和長袖冷衫，
問係梗係唔凍啦???
佢竟然話好熱添，
問妳死未!
襯今晚仲係得果7-8度，
又係烚烚下嘅時候啦喂!

忙!

 

近排好忙，

 

應該是聖誕假期後交嘅上學期學生評估報告，

 

因為去咗旅行而未做，

 

所以近排一有時間就要趕工，

 

可惜睡魔專同我作對，

 

每次開電腦寫報告半小時後，

 

佢就急call我要瞓覺，

 

無論是白天或黑夜!

2010-2011聖誕北海道之旅~第五日!

 

2011年1月2日星期日，
今日係嚟北海道玩嘅最後一日，
好唔捨得呀!
好想繼續玩耐D。
今日第一個行程去白之戀人朱古力趣緻城和玩具博物館。

Coupon!

 

貪心???我唔係!
我只係爭取我應有的。
話說續約有線電視，
它送PGA或MBA台給予續約客戶，
老公揀咗PGA睇golf呀!
點知1月1號開始，
冇得睇PGA，
我又收唔到任何通知。
星期日即致電有線客戶服務熱線了解情況，
佢哋話PGA約滿關係所以停咗台，
咁我咪冇咗個優惠囉!
以我咁師奶，
點都要攞番少少嘢啦!
佢話送10張成人台coupon俾我睇成人電影，
我又唔想喎!(老公想囉!)
最後，佢哋送咗$300 coupon俾我去cable shop買嘢，
都好，正想買張相機memory card呀!

瑞士肉丸!

 

昨晚睇電視見到有人整瑞士肉丸，

 

諗起我個雪櫃都有包喎!

 

好，又係清雪櫃嘅時候啦!

 

南乳吊燒雞

 

昨日，

 

我又去咗妹妹屋企玩啦!

 

因為要準備煲薑醋呀!

 

昨日，母親大人和妹夫夾手夾腳刨薑皮，

 

而我就買定外買車仔麵俾佢哋食，

 

食完梗係有下文啦!

 

結果，

 

妹妹和妹夫唔見咗幾罐奶粉錢!

 

晚餐我醃定隻南乳吊燒雞攞過去焗，

 

其餘餸菜叫禾輋樂園外買。

 

3餸一湯都係$148咋!

 

梅菜炆腩肉!

 

每次當我炆親呢個餸，

 

大小魔怪都食到唔停得口，

 

今日佢哋每人食咗2大湯碗飯。

 

不過我覺得呢個餸嘅精髓唔係腩肉，

 

而係梅菜，

 

千祈唔好同我爭食梅菜呀!

材料: 豬腩肉$30、甜梅菜2大棵、蒜蓉和紹酒

調味: 老抽1湯匙、冰糖1小粒和1碗半水

做法: 將豬腩肉出水後切方塊；甜梅菜浸洗去沙後切粒狀；

凍油落Le-creuset 22cm深底鍋，爆香蒜蓉，

加腩肉爆香後贊紹酒半湯匙，落調味炆35分鐘後，

加埋梅菜炆多40分鐘便成。

(試味後按自己喜好加生抽或糖)

(如果用普通煲炆嘅話，要落3-4碗水和炆起碼2個半鐘D腩肉先腍o架!)

 

 

大家可以入嚟Facebook讚下我新開嘅Fans專頁呀! 

 

雀后(添飯)Facebook Fan Page

雙煲!

 

今朝早新界氣溫得8-13度左右，

 

不過冇想像中咁寒喎!

 

可能冇落雨和有少少太陽嘅關係啦!

 

不過一收咗太陽之後，

 

又開始凍啦!

 

天寒地凍，

 

梗係要食番D熱嘢暖身啦!

 

2010-2011聖誕北海道之旅~第四日!

 

2011年1月1日星期六，
今日係新嘅一年，
梗係有新嘅開始啦!
今日morning call推遲30分鐘，
即係7點呀!
由於今日係日本新年，
好多店舖和百貨公司都關門，
所以我哋上午嘅行程係去滑雪場滑雪呀!
今日天氣報告，
係-3度呀!
聽講話如果坐吊車上雪山，
係-9度呀!
有團友上過去話超凍、超大風呀!
我哋唔滑雪，
唯有租個雪兜玩吓啦!

工人姐姐的考驗!

 

呢兩日我要搵外快教手工班，
所以工人姐姐煮昨晚和今晚嘅晚餐，
由買、洗、煮都係佢自己一腳踢，
不如大家幫手評評分啦!
昨晚的餸菜:

2010-2011聖誕北海道之旅~第三日!

2010年12月31日星期五，
又係6點半morning call，
不過D團友準時程度麻麻哋，
令導遊好激氣呀!
今日第一站去昭和新山(火山)旁嘅得意熊牧場!
睇吓個火山仲出嚟煙o架!
去到睇熊熊都幾慘，
俾人鎖住又冇嘢食，
又瘦又可憐，
D熊見有人拋蘋果會企要身用口接住o架!
所以我哋買咗2袋蘋果餵熊熊食呀!

2010-2011聖誕北海道之旅~第二日!

 

2010年12月30日星期四，
6點半morning call，
食飽飽自助早餐後，
今日嘅行程首先是小樽運河、古典街、水晶音樂城和玻璃趣緻街。
好厚嘅雪，
好似粉一樣，
軟棉棉o架!

2010-2011聖誕北海道之旅~第一日!

 

2010年12月29日星期三，
我們一行5人包括母親大人、姐姐、姐夫、姨甥仔和我，
參加東瀛遊5天北海道之旅；
朝早8時30分已經到達機場，
乘搭10時50分國泰機飛往北海道。
上機前我哋都覺得奇怪，
點解我哋5個人個座位個個都係K字尾o架???

雜錦鍋!

 

點解我覺得香港凍過日本o架???

 

係日本期間，

 

我冇病冇痛；

 

點知一返到香港，

 

第一個探我嘅朋友係~鼻敏感呀!

 

又凍、又懶、又想食，

 

唯有咁啦!

2010-2011聖誕北海道之旅~手信篇!

 

買衫褲鞋襪手袋唔係咁啱我，
買嘢食先係我嘅強項呀!
我最鐘意就係入日本7-11o架啦!

掛掛掛!

 

唔知係咪老公唔見我5日，

 

掛住我呢???

 

佢掛到病咗呀!

 

昨晚連毛蟹都唔想食。

 

今日即刻做番好老婆，

 

煲啖湯俾佢飲啦!

凍蟹速遞!

 

唔好講咁多，

 

襯新鮮日本運到，

 

即刻食啦!

 

Happy New Year!