細仔自己去咗日本旅行，
所以呢排都係得我和老公兩個人食飯，
炆咗一大碟薯仔炆雞翼，
炒多碟菜就開得飯喇!
噚日見有時間就執下個廚櫃，
竟然俾我摷到有3樽叉燒醬存貨，
好彩係全部都係2027年尾先過期，
我拿拿臨用佢嚟醃雞翼，
整碟氣炸蜜味叉燒醬雞翼嘆下先得。
今日去大埔探朱鎧仁小朋友，
佢啱啱上玩playgroup返嚟，
又攰又眼瞓，
好扭計呀!
好彩瞓醒食飽後又變返活潑可愛咋!
襯佢瞓覺，
我整咗沙薑雞腳雞翼，
而晚餐就由新抱仔煮，
沙爹粉絲牛肉煲、涼拌海藻菜和小米斧飯。
青瓜雲耳炒雞粒，
簡簡單單嘅家常餸，
呢個餸清清哋，
常常煮嚟食都唔怕肥呀!
噚晚細仔點名要食燒雞，
拿拿臨今朝即刻去天盛街市買隻雞番嚟，
醃咗唔夠2個鐘就話中午要食，
又唔早講，
等我早一日醃定隻雞仲入味呀!
我買咗棵西芹$8，
分咗兩餐嚟食，
一餐西芹炒牛肉，
一餐西芹炒雞柳，
我和老公兩個人食飯，
真係簡單又好味道呀!
今日買咗2隻雞髀整豉油雞髀，
鐘意啖啖肉嘅我，
去骨拆肉，
整咗一碟豉油雞髀手撕雞，
有豉油汁真係好餸飯架!
今次用慢火浸熟雞髀，
D雞肉真係好滑，
大家都可以試下架!
屋企仲有兩塊雞扒，
即刻攞出嚟解凍，
整咗呢碟薑蔥煎雞扒，
咸咸香香，
好送飯呀!
今日整咗個不一樣嘅雞翼，
就係薑蒜薯仔煎雞翼喇!
雞翼和薯仔係絕配，
點煮都咁好食架!
我早一日醃定2塊雞扒，
部份雞扒煎咗嚟做噚日嘅雞扒蛋豬仔飽，
今日將其餘嘅雞扒氣炸鍋整成脆口雞粒，
簡單做咗今晚晚餐呀!
今朝細仔食埋午餐先返工，
拿拿臨解凍2隻雞髀，
整咗碟鮮沙薑手撕雞和蒜蓉炒西蘭花苗，
簡單又一餐。
雪櫃仲有幾隻大雞翼，
用嚟整香煎單骨雞翼就最啱喇!
簡單用薑、蒜做配料，
加鹽、糖、豉油和紹酒醃2小時，
用慢火慢慢將雞翼煎熟佢就食得架啦!
之前炸腰果剩咗唔少油，
裝出平時嚟用嚟煮餸，
今日就用佢嚟半煎炸雞塊，
脆卜卜，
細仔最鐘意食呀!
另外果半邊雞，
我就整咗蒜香香草焗雞，
老公鐘意食脆卜卜雞皮，
用氣炸鍋焗就最正啦!
今日買咗一隻雞，
斬開咗一半，
一半整咗呢碟蟲草花冬菇雲耳蒸雞，
呢個餸冬菇雲耳係我至愛，
好好食呀!
今日佳寶又做8折1星期，
附近肉檔新開張買豬肉又有折，
我哋呢D主婦最開心就係又慳到錢，
折斧頭錢又有著落喇!
今晚得我和老公兩個人食飯，
簡單煮咗一個餸，
就係黑椒洋蔥炒雞球喇!
呢個可以撈黑椒汁送飯，
濕濕哋好惹味架!
今朝出咗街，
返到屋企都已經成4點幾，
拿拿臨攞D雞翼出嚟解凍，
晚餐就整咗呢碟蠔油洋蔥薯仔炆雞翼，
灼埋碟菜就食得飯喇!
好耐冇炆過鳳爪啦!
今日見凍肉舖D炸鳳爪啱啱倒出嚟，
仲幾大隻添，
於是買咗9隻返嚟炆排骨，
呢個餸加咗辣豆瓣醬去煮，
辣辣哋好送飯呀!
老公夜晚要開業主會，
所以拿拿臨解凍2塊雞扒，
醃咗佢2~3個鍾就煎嚟食啦!
煎到塊雞皮脆卜卜，
真係好鬼正架!
