今日買咗2隻雞髀整豉油雞髀，
鐘意啖啖肉嘅我，
去骨拆肉，
整咗一碟豉油雞髀手撕雞，
有豉油汁真係好餸飯架!
今次用慢火浸熟雞髀，
D雞肉真係好滑，
大家都可以試下架!
材料: 雞髀兩隻、薑4片、乾蔥頭1個(勿絲)
調味: 老抽5~6湯匙、豉油1~2湯匙、片糖半片、紹酒少許
做法: 雞髀沖洗乾淨後，用叉子係雞髀厚肉部份叉幾下；
燒熱鍋落少許油爆薑片和乾蔥頭絲，加入調味和2碗水煮滾，
將雞髀放入鍋內煮至翻滾後，轉最小火煮15分鐘慢慢浸熟雞髀，
熄火後唔好開鍋蓋，繼續焗20分鐘，
待雞髀涼後可以取出拆絲，最後淋上豉油汁便成。
~豉油汁調味可以個人口味調節呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!