今日大暑，
我買咗半邊西瓜，
準備切粒入盒落雪櫃，
雪凍佢等夜晚先食呀!
好似話就嚟打風，
所以呢幾日日日熱到爆炸，
晚餐就煮咗個絲瓜湯做湯飯，
咁就更易入口啦!
材料: 絲瓜1條、雞蛋3隻、梅頭豬肉碎$20、杞子少許、薑3片
醃料: 豉油半湯匙、糖1茶匙、生粉1茶匙、麻油少許
做法: 豬肉碎落醃料醃15分鐘；絲瓜去皮滾刀切件；
燒熱油鑊煎蛋至熟後鏟碎，加入適量熱滾水，
落薑片和豬肉碎搓成丸子，先滾8分鐘，再加入絲瓜多2分鐘，
按個人口味落胡椒粉和鹽調味，最後灑上杞子攪勻便成。
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!