老公話好耐冇食牛腩，
見佳寶做緊8折，
所以買咗包牛肋條嚟做蘿蔔牛腩喇!
材料: 牛肋條1磅、蘿蔔1條、薑8片、八角1粒、紹酒1湯匙、蔥花適量
調味: 柱候醬1.5湯匙、辣豆瓣醬1湯匙、豉油1湯匙、冰糖粒適量
做法:將牛肋條放入凍水鑊內，加入薑4片和紹酒1湯匙煮滾10分鐘，
取出沖洗後，將牛肋條切件；蘿蔔去皮反滾刀切件；
凍鍋落少許油先落薑4片和柱候醬爆香，加入牛肋條炒勻後，
落其餘調味、八角和熱水(水需要蓋過牛肋條)，
煮滾後轉小火慢慢炆1小時，加蘿蔔炆多30分鐘左右，
落少許生粉水埋芡汁後上碟，灑上蔥粒便成。
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!