菜乾瑤柱花生咸排骨粥

今朝一早起身上網巡blog，

睇到朋友仔食艇仔粥，

好味到呢引死我咩!

唔得，

我都要即刻煲番煲嚟食下先得，

所以今日煲咗菜乾瑤柱花生咸排骨粥，

加埋送粥孖寶~油炸鬼和牛脷酥，

今勻食3碗粥肯定冇走雞啦!

胡椒蘿蔔粟米排骨湯

係呢個咁天寒地凍嘅日子，

飲一碗熱辣辣又暖胃嘅湯水，

簡直易過借火啦!

胡椒蘿蔔粟米排骨湯，

真係一個唔錯嘅選擇嚟架!

香草焗燒雞

星期六見百佳冰鮮雞有特價，

拿拿臨買番隻嚟焗燒雞啦喂!

噚晚啱啱出焗嘅時候，

隻雞外脆多汁，

好味到呢，

真係唔好講笑，

剪隻雞髀嚟嘆下先得!

時款日式麵包製作精選實習高班~第三堂

香芋吐司&花生合桃旋風卷

亞sir真係有求必應架啫，

我哋同學仔話整花生合桃旋風卷好dry，

於是問亞sir可唔可以加整朱古力醬呀???

亞sir緊係話冇問題啦!

嘩嘩嘩，

攪到呢個花生合桃旋風包擺唔夠24小時，

就已經俾大小魔怪食哂啦!

素pizza麵包

朋友仔去日本玩，

買咗支pizza醬送俾我哋，

今日就用佢嚟整個素pizza麵包俾大魔怪食，

求其用咗塊燕麥大方包做個pizza底，

簡直快攪正，

大魔怪話好食到唔停得口呀!

黑松露醬蘑菇炒意粉

平日大魔怪真係好少會返嚟食晚飯，

襯佢今日可以早收工，

拿拿臨炒咗碟佢鐘意食嘅黑松露醬蘑菇炒意粉!

呢樽黑松露醬係意大利買架!

雖然唔係全黑松露(裡面有其他菇類成份)，

但用嚟炒意粉和焗法包都幾好食架!

紫菜肉片蛋花湯

一鍋紫菜肉片蛋花湯，

快靚正，

兼清清哋都唔錯架!

蜜汁香草烤雞翼

平時我醃香草雞翼，

通常都會落雜香草碎，

但今次我就剩係加咗Rosemary落去咋，

食落一樣咁惹味呀!

芝士蒜蓉香草牛油焗雜菌

BBQ時食剩咗D雜菇，

食得唔好嘥攞埋返屋企，

加多包金菇一齊焗去食，

咁咪又係一個餸囉!

焗蕃薯

係惠州買蕃薯真係平，

揀咗7個蕃薯都係2蚊人民幣，

老公好想買多D返香港架，

但諗過自己真係拎唔到咁多，

都係留番下次先買過啦!

攸潭美農樂營

噚日，

我哋一行8人，

嚟咗舊屋附近嘅攸潭美農樂營玩，

雖然呢度仲係度興建中，

但部份主要設施已經完工了。

呢間K房除可以唱K外，

仲有埋麻雀枱，

哈哈，

真係啱哂我哋啦!

雪菜肉絲湯通粉

今朝簡簡單單煮個雪菜肉絲湯通粉做早午餐，

因為下午約咗朋友唱K和BBQ，

依家諗起都興奮呀!

時款日式麵包製作精選實習高班~第二堂

洋蔥煙肉雞蛋卷&脆香煙肉蘑菇包，

今堂呢兩款麵包加咗煙肉係裡面，

特別惹味呀!

生菜魚肉豆腐湯

一個充滿童年回憶嘅食品~生菜魚肉豆腐湯!

簡單好味又易做，

真係啱哂一家大細食架!

加埋小魔怪係馬來西亞買俾我嘅義香麻油和胡椒粉，

啖湯正到痺呀!

蠔油冬菇薯仔炆雞翼

又一位個好送飯嘅朱家家常菜，

蠔油冬菇薯仔炆雞翼

今晚我要去返學學整麵包，

所以整咗呢個簡單又好味道嘅餸做老公和小魔怪嘅晚餐呀!

柱候蘿蔔牛腩金錢肚

今日整咗個好惹味嘅煲仔菜，

就係柱候蘿蔔牛腩金錢肚喇!

呢個餸我食得最多嘅唔係牛腩和金錢肚，

而係超甜多汁嘅蘿蔔呀!

蜜味芥末烤雞髀

愛吃芥末嘅味道，

今日就用人佢嚟焗雞髀，

咸咸香香，都幾惹味架!

返惠州食好嘢

噚日，

我哋又返咗惠州，

搵朋友仔帶我哋去食好嘢，

朋友仔介紹飲呢個冬瓜鴨湯，

啖湯鮮甜又好味道，

乳鴿又嫩，

唔錯架!

地址:惠州長湖南路1號

時款日式麵包製作精選實習高班~第一堂

上星期二，

我又開始返新麵包堂啦!

今堂學整田園方包&日式蛋沙律麵包，

亞sir見個方包太dry，

所以加咗芝士粒俾我哋呀!

老火湯~蓮藕馬蹄綠豆排骨湯

冬天飲碗熱辣辣嘅老火湯，

真係爽爆啦!

今日就煲咗一大煲蓮藕馬蹄綠豆排骨湯，

煲咗3個鐘夠哂火喉，

正呀!

飯盒(3)

呢度全部都係素飯盒嚟架!

每逢星期二和星期四，

我要一早起身煮餸，

保証日日食得新鮮；

其實大魔怪鐘意食粉麵多過食飯，

食得好簡單呀!

雪菜肉絲炆米

今日買咗個超大椰菜，

都有成兩斤幾三斤架，

亞姨話呢款椰菜係鄉下先有，

爽甜又好食，

用佢嚟炒米粉就啱哂啦!

韭菜木耳豬肉餃&韭菜雞蛋粉絲木耳餃(素)

大小魔怪要食餃子，

都好喎，

包定D餃子放係冰箱，

咁隨時都有得食啦!

今日先包咗52隻韭菜木耳豬肉餃，

13隻韭菜雞蛋粉絲木耳餃(素)，

明天再繼續包埋佢呀!

玉子豆腐蒸水蛋

今餐蒸水蛋好似齋咗少少，

所以加咗2條玉子豆腐落去一齊蒸，

滑上加滑呀!

紅磡都會海逸酒店自助午餐

今日約咗朋友仔食自助餐，

多口問下小魔怪有冇興趣一齊去食，

佢竟然話好呀!

平時以佢嘅實力一定回本啦!

可惜佢仲有少少咳，

唔係一定會食盡佢架!

芝士鮮茄洋蔥焗豬扒飯(炒飯底)

見冰箱有包pizza芝士係度，

唔用就好快到期，

所以專登買咗幾塊梅頭豬扒，

焗咗呢個芝士鮮茄洋蔥焗豬扒飯(炒飯底)呀!

五香淮鹽煎雞翼

今日得我和小魔怪兩個人食飯，

煮咗佢鐘意食嘅五香淮鹽煎雞翼和蒜蓉炒白菜，

簡簡單單又一餐!

時款日式麵包製作精選中班~第九、十堂

拿拿臨出埋第九和第十堂嘅麵包相先得，

因為今日又要開始返新課堂，

好期待啊!

第九堂~朱古力榛子軟包&蜜味叉燒菠蘿包