菜乾瑤柱花生咸排骨粥

今朝一早起身上網巡blog，

睇到朋友仔食艇仔粥，

好味到呢引死我咩!

唔得，

我都要即刻煲番煲嚟食下先得，

所以今日煲咗菜乾瑤柱花生咸排骨粥，

加埋送粥孖寶~油炸鬼和牛脷酥，

今勻食3碗粥肯定冇走雞啦!

材料: 菜乾5棵、唐排$40、花生$3、瑤柱5粒、米1杯、薑2片

做法: 唐排洗淨後出水，加鹽醃2小時(醃隔夜仲入味)；菜乾浸軟後剪段；

花生浸半小時；米洗淨後落少許鹽和油撈勻備用；

將菜乾、唐排、花生、瑤柱、薑片和9碗水放入鍋內，

用中火滾後轉小火滾1小時後落米，再煲滾後轉小火煲至粥棉(約45分鐘)，

按個人口味加入鹽調味便成。

  

 

大家可以入嚟Facebook讚下我新開嘅Fans專頁呀!

 雀后(添飯)Facebook Fan Page