兩日一夜西貢遊

差不多有2個月冇見母親大人了，

3月初疫情最嚴重嘅時期，

母親大人(獨居)感染咗新冠病毒，

好彩佢病情唔算太嚴重(佢已打2針疫苗)，

姐姐和妹妹輪流送藥和物資俾佢，

大約十日左右，

佢已經痊癒了；

再過多半個月，

我哋嚟個兩日一夜西貢遊，

慶祝一下呀!

變變變......色

我都差不多有成2個月冇出外食早餐，

今日為咗去染髮，

所以提早少少落街食個豐富早餐呀!

兩個幾月冇染髮，

睇到自己個殘樣都唔開胃囉!

鮑汁花生鳳爪

前兩日買咗2磅半急凍鳳爪，

整咗一大鍋鮑汁花生鳳爪；

平時係酒樓叫碟鮑汁花生鳳爪，

得幾隻鳳爪和幾粒花生，

都要賣三十幾四十蚊，

自己整一大鍋成本三十蚊都唔使，

呢鍋鮑汁花生鳳爪一餐肯定食唔哂，

分幾餐食就更化算啦!

四餸一湯

今晚四餸一湯，

白飯任裝，

豉油皇煎蝦、咖哩薯仔洋蔥雞翼、荷蘭豆炒雜菇、茶葉蛋，

仲有冬瓜冬菇咸蛋瑤柱肉粒湯。

茶葉蛋

噚日買咗一排湖北蛋$38有30隻，

我見大小魔怪咁鐘意食蛋，

拿拿臨攞咗10隻嚟整茶葉蛋，

平時大魔怪好少會讚我整嘅嘢好食架!

每次問親佢好唔好食???

佢就會話麻麻哋啦!

今次就唔同喇，

佢竟然話今次整嘅茶葉蛋夠哂味道，

好入味呀!

哈哈，

原因係今次我落鹽重手咗少少，

即係話佢都好重口味呀!

家常便飯

今晚又係清雪櫃物資嘅時間喇!

香煎三文魚扒、蒜蓉蜜糖炒紅腸、白灼西蘭花，

簡簡單單又一餐呀!

日式薯仔燉梅頭肉

今晚食得好簡單，

用咗屋企有嘅物資，

整咗鍋日式薯仔燉梅頭肉，

煮十零分鐘就食得，

快靚正呀!

XO醬青瓜炒蝦仁

XO醬青瓜炒蝦仁，

烹飪時間唔使10分鐘，

真係快靚正嘅餸菜之一嚟架!

香煎黃花魚

响百佳買咗條急凍黃花魚，

今日就煎咗佢嚟做晚餐，

條魚要少少打鱗，

開邊後清魚內臟後，

用廚紙索乾水份後，

落鹽和胡椒粉醃一陣，

煎香薑片後，

將魚煎香兩面後，

淋上蒸魚豉油便成。

袪濕素湯~粉葛土伏苓牛大力地老鼠湯

 

呢排天氣又濕又熱，

最啱煲呢個粉葛土伏苓牛大力地老鼠素湯，

有清熱袪濕、消熱解毒、舒筋活絡、止咳潤喉等功效。

XO醬雜菜肉碎炒豬腸粉

响天盛街市買咗8條齋腸粉$5，

用雜菜肉碎，

加埋惹味嘅XO醬，

老公話間中唔想食飯，

食呢個炒腸粉都唔錯喎!

生日午餐

噚日係大小魔怪嘅27歲生日；

冇得同母親大人姐姐妹妹佢哋一齊慶祝，

唯有我哋一家四口子靜靜哋係屋企過啦!

生日食蛋糕唔少得$170，

叫埋外賣pizza套餐$404，

午餐食唔哂，

晚餐再食過呀!

童年回憶~麥芽糖餅乾

 

老公買咗一大包芝麻梳打餅返嚟，

等我摷番樽係雲泉仙館買嘅麥芽糖出嚟，

整咗呢個充滿大家童年回憶~麥芽糖餅乾，

做小食呀!

酸菜牛肉

之前煮過酸菜魚，

小魔怪食到lam lam 脷，

今日轉轉口味，

改整酸菜牛肉，

配菜特別多，

食得好滿足呀!

三文魚頭蕃茄薯仔豆腐湯

噚日係百佳買咗個急凍三文魚頭，

用嚟煲蕃茄薯仔豆腐湯就最啱喇!

小魔怪好鐘意飲魚頭湯架!

佢話啖湯好鮮甜喎!

白汁蘑菇西蘭花意粉(素)

 

今日午餐~白汁蘑菇西蘭花意粉，

我諗住煮半包意粉夠4個人食，

點知老公、大小魔怪好好胃口咁喎!

差不多全部俾佢哋食清哂，

好彩仲有少少餸尾夠我食咋!

韓式蔬菜煎餅(素)

 

韓式蔬菜煎餅，

材料好簡單只有椰菜、甘筍和雞蛋，

加埋韓式煎餅粉，

咁就煎咗呢個韓式蔬菜煎餅俾大魔怪做晚餐喇!

香煎三文魚扒

 

今日買咗塊三文魚扒煎嚟食，

落少少鹽和胡椒粉醃一陣，

煎好三文魚扒後，

炒香D蔥粒淋上面，

最後灑少少蒸魚豉油點嚟食，

啖啖肉，

好送飯呀!

簡易素食

大小魔怪呢排日日都WFH，

所以早午晚餐真係煮到我暈暈哋呀!

好彩大魔怪食素要求唔係好高，

有時煮下素粉麵俾佢食都ok啊!

不過咁，

我都有氣炸薯格俾佢做小食，

炒素荷蘭豆時就加少少腰果點綴下，

炒蘑菇滑蛋就加黑松露一齊炒，

等佢食得開心D呀!

豉油皇炒麵&蠔豉瑤柱雞絲粥

今日專登去天盛街市買咗2個炒麵餅，

炒咗碟豉油皇炒麵，

煲埋煲蠔豉瑤柱雞絲粥，

咁就做咗我哋一家四口子嘅午餐喇!

南乳蓮藕豆腐卜炆排骨

我好鐘意炆蓮藕排骨時，

加埋豆腐卜落去一齊炆，

因為豆腐卜索哂D南乳汁，

特別惹味呀!

吉列炸魚柳

小魔怪話想食炸魚柳，

咁啱雪櫃有魚柳，

拿拿臨攞出嚟解凍先得。

柱候蘿蔔牛肚牛筋腩

 

今日買咗牛肋條(牛腩)、牛肚和牛筋返屋企，

一次過炆咗一大鍋牛肚牛筋腩，

未加蘿蔔前先裝起部份雪入冰箱，

咁就隨時想食時，

就有得加餸啦!

沙參玉竹蓮子茨實百合豬腱湯

 

今日去咗一間唔常去嘅中藥房買沙參玉竹蓮子百合$20，

叔叔全憑感覺去執料，

見到成包滿滿嘅藥材，

即刻幫佢買多廿蚊淮山；

哈哈，

睇嚟我要再去多D幫襯先得喇! 

外賣~天水圍辣將軍(海南小廚)

今晚小魔怪話請我哋食晚餐，

仲問我哋鐘意食咩嘢，

我話唔使我煮，

食咩都咁開心呀!

最後叫咗天水圍辣將軍(海南小廚)，

酸菜魚、芥末手撕雞、京蔥拌豬肚、惹味茄子煲和螞蟻上樹，

總共$361。

全部叫咗BB辣和唔辣，

因為老公唔食得辣呀!

不過我個人應為，

辣辣哋先好食呀!

沙薑手撕雞湯麵

今晚食沙薑手撕雞湯麵，

兩個人食咗半隻雞，

剩番半隻明天再食呀!

呢隻沙薑雞係佳寶買架!

家常便飯~菜芯炒牛肉&麵豉蒸排骨

噚日街市賣菜芯四十蚊斤，

嚇到我個心都離一離呀!

好彩今日菜價回落咗少少，

菜芯賣廿蚊斤，

已經平咗一半架啦!

以前我都會摘下D老菜葉，

依家唔爛唔黃嘅話，

都唔會摘走佢，

因為條條菜都好貴架!

孜然羊肉

响我自我隔離期間，

老公買咗一pack火鍋羊肉片返嚟，

唔使問小魔怪一定想食孜然羊肉呀!

成碟羊肉，

小魔怪起碼食咗大半碟呀!

今日放疫監，我自由了

今日放疫監，

我自由了!

出疫監的第一餐，

好想食車仔麵呀!

唔敢堂食，

唯有買外賣返屋企慢慢嘆呀!