家常便飯~菜芯炒牛肉&麵豉蒸排骨

噚日街市賣菜芯四十蚊斤，

嚇到我個心都離一離呀!

好彩今日菜價回落咗少少，

菜芯賣廿蚊斤，

已經平咗一半架啦!

以前我都會摘下D老菜葉，

依家唔爛唔黃嘅話，

都唔會摘走佢，

因為條條菜都好貴架!

材料: 菜芯半斤、牛肉$30、蒜蓉、生粉水

醃料: 蠔油1茶匙、豉油1湯匙、糖1茶匙、生粉1茶匙、麻油少許、水2湯匙

做法: 牛肉切片後落醃料醃30分鐘；菜芯洗淨備用；

燒熱油鑊落牛肉略煎兩面至表面轉色(6成熟)後盛起；

原鑊加少許油落蒜蓉和菜芯炒勻，加少許水煮熟菜芯，

加入牛肉快手炒勻，接個人喜好落少許鹽糖調味後，

最後落生粉水埋芡汁便成。

   

大家可以入嚟Facebook讚下我新開嘅Fans專頁呀!

雀后(添飯)Facebook Fan Page