豉油皇炒麵&蠔豉瑤柱雞絲粥

今日專登去天盛街市買咗2個炒麵餅，

炒咗碟豉油皇炒麵，

煲埋煲蠔豉瑤柱雞絲粥，

咁就做咗我哋一家四口子嘅午餐喇!

材料: 炒麵餅2個$12、椰菜1/3個、甘筍半條、炒香芝麻

調味: 豉油、老抽、麻油

做法: 燒熱水落麵餅灼至軟身及鬆散後，沖沖水備用(記得唔好灼得太腍)；

椰菜切絲、甘筍切絲條；燒熱油鑊下椰菜和甘筍快炒數十下，

後落少少鹽和紹酒調味，炒至椰菜至軟身上碟；

燒熱油鑊(多少少油)，放入麵餅先煎香一面，然後反轉煎另一面，

煎至麵底脆香後，加入椰菜和甘筍炒勻，

其間需要用筷子不斷鬆開麵條，落埋銀芽炒勻後，

加調味和灑少許麻油上碟，灑上炒香芝麻便成。

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page