兩日一夜西貢遊

差不多有2個月冇見母親大人了，

3月初疫情最嚴重嘅時期，

母親大人(獨居)感染咗新冠病毒，

好彩佢病情唔算太嚴重(佢已打2針疫苗)，

姐姐和妹妹輪流送藥和物資俾佢，

大約十日左右，

佢已經痊癒了；

再過多半個月，

我哋嚟個兩日一夜西貢遊，

慶祝一下呀!

鹽田梓遊，

船票來回$50位。

可惜好多景點都做緊維修，

我哋匆匆行咗一個圈，

就搭船回程了。

行完鹽田梓出到去西貢碼頭，

都已經成3點左右，

海鮮街嘅酒家人頭湧湧，

最後去咗金輝食海鮮餐，

叫咗個七人套餐，

加咗個炸豆腐和炒生菜，

啤酒和汽水，

呢餐食咗$1852。

食飽飽就去今晚住西貢新開酒店攞房~WM Hotel。

由於我和母親大人住果間房係尾房關係，

所以特別大間，

有個無敵大窗，

好開揚，

好舒服呀!

呢度咖啡和雪櫃裡面嘅飲品係免費，

嘩，

好正咁喎!

酒店係妹妹之前係網上訂的，

有47折包早餐和稅後，

大約每晚$1500。

休息咗一陣，

我嘅出西貢市區買宵夜和零食。

連續兩日俾祈祈捉咗去玩鋤大DEE，

我都好多年未玩過了，

祈祈就新學識玩，

好大癮呀!

唔係我認叻，

兩日總共玩咗8舖，

我贏咗5舖，

嘻嘻，

唔好話我蝦細路哥呀!

第二朝起身天色好靚，

個天好藍呀!

酒店早餐簡簡單單，

味道都唔錯架!

响酒店Hea到11點左右就退房，

但我哋架車可以繼續停泊係酒店停車場至3點；

我哋去咗西貢市區行下，

影下有特色嘅壁畫；

早餐食太豐富，

午餐大家都食唔落，

而妹妹佢哋又趕住走，

因為祈祈要上網課，

所以呢個兩日一夜西貢遊就此完結了。

我買咗少少手信，

冬菇半斤$70、腰果1斤$60、吊筒仔和雪梨湯包$50有3包，

而蝦皮由姐夫埋單$20包呀!

大家可以入嚟Facebook讚下我新開嘅Fans專頁呀!

雀后(添飯)Facebook Fan Page