韓式蔬菜煎餅(素)

 

韓式蔬菜煎餅，

材料好簡單只有椰菜、甘筍和雞蛋，

加埋韓式煎餅粉，

咁就煎咗呢個韓式蔬菜煎餅俾大魔怪做晚餐喇!

材料: 椰菜少許(切絲)、甘筍半條(切絲)、韓式煎餅粉2湯匙、

雞蛋1隻、炒香芝麻

調味: 鹽少許、黑椒碎適量、麻油少許

做法: 椰菜和甘筍切絲；將韓式煎餅粉和雞蛋攪勻後，

加入椰菜絲、甘筍絲和調味撈勻；

燒熱鑊落多少少油，加入雜菜餅糊平舖在鑊內，

沿鑊邊加少少油，用中火慢慢煎成兩面少少焦香後，

最後灑上炒香芝麻便成。

~大魔怪鐘意加少少辣椒醬點嚟食呀!

  

大家可以入嚟Facebook讚下我新開嘅Fans專頁呀!
 

 雀后(添飯)Facebook Fan Page