唔想再食了無新意的家常菜？唔知外面的餐廳有無用地溝油？ 覺得下廚好難、好麻煩？定係，根本無時間下廚？ 無論如何，自己親手烹調的最健康、最美味同安全﹗ 幸福可以好簡單，為自己的家人洗手作羹湯， 雖然平凡，卻絕對是人間美味。 平凡的食材、用簡單步驟，就能令你同家人一齊感受舌尖上的幸福﹗ 雀后，自問只是一名平凡的家庭主婦，然而她每天都會用心經營，為家人送上最暖的心意，煮出一道道幸福美味。自從大小魔怪出生後，雀后從不假手於人，一家大小的飲食都是她一手包辦，由買餸醃肉到落手落腳煮，都親力親為，務求家人食得健康，食得開心﹗
今朝細仔食埋午餐先返工，
拿拿臨解凍2隻雞髀，
整咗碟鮮沙薑手撕雞和蒜蓉炒西蘭花苗，
簡單又一餐。
材料: 雞髀2隻、薑3片、紹酒半湯匙
醃料: 鹽焗雞粉半包、鹽半茶匙、胡椒粉少許
沙薑醬: 鮮沙薑1粒(剁蓉)、薑蓉、蔥粒、豉油1湯匙、
蠔油半湯匙、糖半茶匙、麻油少許、熱滾油適量
做法: 雞髀解凍後，响厚肉部份界幾刀，用廚紙索乾水份，
落醃料醃2小時；雪櫃取出待室溫45分鐘，放入熱水鑊內蒸30分鐘，
待涼拆絲放碟上，淋上沙薑醬拌勻便成。
如果大家覺得我煮嘅餸菜啱哂口味嘅話，不妨留個言，鼓勵下我啦!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!