今日買咗半斤蜜糖豆$10，
煮咗呢碟XO醬蜜糖豆炒蝦仁，
加咗少少甘筍絲和XO醬一齊炒，
特別惹味架!
材料: 蜜糖豆半斤、急凍蝦仁20隻、甘筍適量、蒜蓉適量
醃料: 鹽、胡椒粉、麻油
調味: XO醬2茶匙、蠔油半湯匙、糖1茶匙
做法: 蝦仁解凍後，用廚紙索乾水份，加入醃料醃15分鐘；
蜜糖豆去豆尾和根，甘筍切絲備用；
燒熱水加鹽落蜜糖豆灼30秒後撈起浸涼水；
燒熱鑊落油，加入蝦仁略煎至兩面轉色，加蒜蓉和蜜糖豆炒勻，
落調味和水3湯匙煮至材料熟後，最後落少許生粉芡便成。
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!