今日去街市買菜，
買咗1斤菜芯$13，
見有韭菜花賣，
叫亞姐幫我秤$7韭菜花，
咁俾廿蚊就唔使找啦!
其實我平時買餸都係咁，
唔想要咁多散紙，
有碎銀就俾碎銀，
冇就買夠齊頭，
碎銀重，
唔想袋呀!
材料: 韭菜花$9、甘筍半條、梅頭豬肉$20、乾魷魚鬚適量、蝦乾仔20條、
蒜蓉、紹酒少許、炸腰果
醃料: 豉油半湯匙、鹽半茶匙、糖1茶匙、生粉1茶匙、麻油少許
調味: 蠔油半湯匙、糖1茶匙、浸魷魚水蝦乾大半碗
做法: 梅頭豬肉切片，落醃料醃15分鐘；浸魷魚鬚和蝦乾浸軟；
韭菜花切段；甘筍去皮切絲；燒熱油鑊落蝦乾和魷魚鬚先爆香，
加入肉片略煎兩面後贊紹酒少許，加入調味煮至肉熟後，
落蒜蓉、韭菜花和甘筍絲快炒至軟身後上碟，最後灑上炸腰果便成。
~喜愛惹味嘅朋友仔，可以加XO醬落去一齊炒架!
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!