5月18日星期一
今朝要返惠州，
一早過咗蓮塘口岸食早餐，
食完早餐就搭9點半車返惠州。
返到惠州天氣已經唔係咁好，
我哋買咗少少生果，
叫外賣其間就開始打掃屋企喇!
晚餐就去朋友新屋食飯，
外買兩杯嘢飲，
買埋滷味去朋友家，
大家啤啤佢，
爽呀!
5月19日星期二
今朝同老公去食早餐，
除咗食腸粉蒸米粉外，
仲買咗5個肉包仔，
好食喎!
今日姑仔過嚟新屋，
午餐又點外賣，
之後就開始打牌，
打到差不多7點去夜市食晚餐。
由於落雨，
夜市有部份檔口冇開檔，
不過都有好多嘢食揀架。
之後去附近青年公路街區打咭，
返到屋企又繼續打牌，
哈哈，
打到差不多12點幾先收場。
5月20日星期三
今朝天氣都係麻麻哋，
我和老公因為噚晚夜瞓，
所以好晏先起身，
瞓醒梳洗後就去食早午餐，
揀咗去食社區飯堂，
40多款即炒小菜任君選擇，
後面廚師不斷炒其他餸菜補給，
我哋揀完餸菜就去磅秤，
粥、湯、糖水和汽水免費添食，
我哋揀餸揀得有D多，
呢餐食咗￥70左右，
老公話餸菜味道真係唔錯，
而且有佢鍾意嘅綠豆糖水，
餸菜味道真係唔錯架!
响附近街市買咗個湯煲，
買埋豬肉、蓮藕、粟米煲湯，
仲買咗荔枝、麵包和葡撻，
因為今晚堂弟婦嚟新屋食飯兼打牌呀!
我叫咗今朝果間社區飯堂外賣，
7餸2飯都係￥73.5，
雖然份量唔係好大份，
但如果自己煮咁多餸嘅話，
我肯定會煮到身水身汗囉!
食完飯食埋生果就開枱喇!
都係打到12點左右收場。
5月21日星期四
噚晚落雨落得好利害，
好彩窗門隔音都幾好，
唔會嘈得好大聲呀!
今朝早餐食麵包和飲番噚晚嘅湯，
hea到12點去食午餐，
準時搭1點車返蓮塘口岸過關返香港呀!
呢4日話咁快又過咗喇!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!