好耐冇炆過鳳爪啦!
今日見凍肉舖D炸鳳爪啱啱倒出嚟，
仲幾大隻添，
於是買咗9隻返嚟炆排骨，
呢個餸加咗辣豆瓣醬去煮，
辣辣哋好送飯呀!
材料: 唐排1條$65、炸鳳爪9隻、蒜蓉、豆豉粒、薑3片、
紹酒適量、辣豆瓣醬1.5茶匙、蔥粒
醃料: 豉油1湯匙、鹽半茶匙、糖1茶匙、生粉1茶匙、麻油少許
調味: 蠔油1湯匙、豉油半湯匙、老抽1湯匙、糖1.5茶匙
做法: 炸鳳爪放入熱水內，加入薑3片和紹酒出水5分鐘，
取出沖洗乾淨後剪半備用；唐排洗淨後，落醃料醃30分鐘；
燒熱油鑊落蒜蓉、豆豉粒和辣豆瓣醬炒出紅油後，
落唐排略煎兩面，加調味和1.5碗水煮滾後，
轉小火慢慢炆20分鐘，落埋炸鳳爪炆多15分鐘，
落少許生粉水埋芡汁後上碟，最後灑上蔥粒便成。
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!