蕃茄雞蛋燴肉碎

今晚得我和老公兩個人食晚飯，

簡單煮咗呢碟蕃茄雞蛋燴肉碎，

大大碟撈飯一流架!

材料: 蕃茄3個、雞蛋3隻、豬肉碎$20、蔥粒

醃料: 豉油半湯匙、糖半茶匙、生粉少許、水1湯匙、麻油少許

做法: 豬肉碎落醃料醃15分鐘；雞蛋落少許鹽打發好備用；

蕃茄底部界十字，放入熱水煮2分鐘後熄火，取出將蕃茄去皮及切粒；

燒熱鑊落油，加入蛋液快炒成滑蛋後上碟(約8成熟)；

原鑊落少許油加肉碎炒至半熟後，落蕃茄和大半碗水煮5~8分鐘；

按個人口味加鹽和糖調味後，加埋雞蛋炒勻上碟，最後灑上蔥粒便成。

(如汁多可加少少生粉水埋茨汁)

大家可以入嚟Facebook讚下我新開嘅Fans專頁呀!

雀后(添飯)Facebook Fan Page