菜乾蠔豉瑤柱排骨粥

呢兩日，

我胃酸過多比較嚴重，

瞓覺時個胃特別唔舒服，

噚晚半夜仲要拿拿臨起身食抗胃酸藥，

攪到我冇覺好瞓呀!

今日諗住煲粥食，

菜乾蠔豉排骨粥，

老公話好多料，

但我煲完粥又冇胃口，

下午和晚上每餐食咗1碗粥，

都唔覺肚餓呀!

材料: 米1杯、排骨$50、蠔豉8隻、菜乾適量、瑤柱仔1湯匙、薑3片

做法: 預早一日將排骨洗淨後出水，沖水後落鹽1茶匙醃半日；

蠔豉和瑤柱仔浸一陣；菜乾浸軟後剪段；

米洗淨後落少許鹽和油少許，撈勻備用；

將9碗水放入湯煲鍋內煮滾，加菜乾、排骨、蠔豉、瑤柱仔和薑片，

先煮滾15分鐘，落米煮滾後，轉小火煲至粥棉，

最後按個人口味加鹽和胡椒粉調味便成。

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page