今日我突然間好想食炆米粉，
我鐘意買呢隻天鵝牌米粉，
佢炆、炒和放湯都得架!
今次用咗椰菜、甘筍、豬肉片和雞蛋炒埋一碟，
兩個米粉炆咗一大鑊，
我和老公食足兩餐呀!
材料: 梅頭豬肉$40、椰菜半個、甘筍1條、雞蛋3隻、米粉2個
醃料: 豉油半湯匙、鹽半茶匙、糖1茶匙、生粉1茶匙
調味: 蠔油1湯匙、豉油半湯匙、老抽適量、糖1茶匙、鹽少許、水半碗
做法: 豬肉切片後落醃料醃30分鐘；椰菜切絲；甘筍去皮切絲；
雞蛋落少許鹽發勻後落鑊炒碎後上一碟；
米粉用水浸軟後隔去水份備用(米粉過長可以剪斷)；
燒熱油鑊先將豬肉片炒熟後，加入椰菜、甘筍和米粉炒勻，
落調味炆煮至汁濃後，落埋雞蛋碎撈勻便成。
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!