我都好耐冇整過香口嘢嘅餸喇!
所以買咗2條一字排，
叫肉檔哥哥幫我將一字排斬大件，
整咗呢碟蒜香排骨，
我食咗2件，
過過口癮呀!
材料: 一字排骨$50(8件)、蒜蓉2湯匙、乾蔥1個(切碎)、蔥粒適量
醃料: 鹽1茶匙、糖1茶匙、蠔油半湯匙、胡椒粉少許
做法: 一字排骨洗淨後，用廚紙索乾水份，加入醃料和蒜蓉1湯匙，
醃排骨8小時，從雪櫃取出排骨待室溫1小時；
抹去排骨上嘅蒜蓉，撲上薄薄生粉，
放入熱油鑊內炸至金黃色和熟後，用廚紙索乾油份；
燒熱鑊落少許油，爆香蒜蓉和乾蔥蓉，加入炸好嘅排骨和蔥粒炒勻便成。
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!