今日新抱仔和BB出院啦!
親家母叫咗朋友幫忙接佢哋出院，
咁我哋在家可以休息一日，
明天和後天，
我就要出去幫忙幫忙，
減輕新手爸爸和媽媽嘅壓力，
好彩仲有親家母和工人姐姐幫手湊BB，
幾個大人湊1個B，
應該都湊得掂呀!
今晚晚餐食炒河粉，
豉椒濕炒肉片河，
濕濕哋易入口呀!
(越南河粉係佳寶買的)
材料: 河粉2個、三色椒每色半個、梅頭瘦肉$25、蒜蓉、豆豉粒
醃料: 豉油2茶匙、糖1茶匙、麻油少許、生粉1茶匙、水少許
調味: 蠔油1湯匙、豉油適量、老抽適量、糖1茶匙、生粉1茶匙
做法: 將河粉放入熱水鑊內灼至軟身後瀝乾水份，
加入老抽和少許油撈勻；梅頭瘦肉切片後，落醃料醃30分鐘；
三色椒去籽後切條後，燒熱油鑊加入蒜蓉豆豉粒炒香，
加入三色椒炒勻至斷生後盛起備用；
原鑊落油炒豬肉片轉色後，加入調味和2碗水煮至肉熟後，
落河粉和三色椒炒至汁濃，最後落少許麻油撈勻便成。
大家可以入嚟Facebook讚下我新開嘅Fans專頁呀!
新任嫲嫲 恭喜你啊! 我猜必勾起你當日照顧大魔怪的回憶. 計起來會是很多年前的事, 但記憶還是很新很心刻的.
回覆刪除