朱小B

9月13日

我要去大仔家幫忙照顧朱小B，

响大埔新達廣場食埋咗個早餐，

幫佢哋買咗少少嘢，

就即刻上去睇下出咗世4日嘅朱小B喇!

睇住朱小B，

真係好似大仔細細個時個樣架!

新抱仔訂咗月子餐，

每日都會送嚟，

啱哂佢坐月時食呀!

晚餐煲湯個木瓜魚尾湯，

冬菇蒸肉餅、白切雞和灼菜芯。

9月14日，

我和親家母食咗早餐後，

簡單買咗少少餸就急不及待上大仔家喇!

聽佢哋講朱小B暫時都幾合作，

冇咩扭計，

食飽就瞓，

瞓飽就食；

晚上老公和細仔去睇朱小B，

佢哋話BB好細個，

兩個都企得好遠，

唔敢行太近呀!

晚餐叫外賣，

我哋食完就返屋企啦!

 

 

  

大家可以入嚟Facebook讚下我新開嘅Fans專頁呀! 

 

雀后(添飯)Facebook Fan Page