自從老公退休後，
每年佢都話想係我生日果日，
同我去一次海洋公園，
但有咁啱得咁橋，
呢幾年年年都有D阻滯去唔成；
今年，
我哋終於有時間一齊去喇!
老公滿60歲入海洋公園係免費的，
而我生日當天入海洋公園亦都係免費，
但要係網上先預約，
入園前去票務處出示email確認信或QRcode，
和出示身份證，
換張入場劵就入得去架啦!
今日天氣真係好好，
藍天白雲，
仲好猛太陽添，
曬到我哋要搵有冷氣嘅展館參觀囉!
原來我哋童年回憶嘅過山車和跳樓機已經退役，
冇得再玩喇!
食少少嘢後，
就去睇海洋劇場；
坐小火車落山後，
睇埋海洋奇觀就去黃竹坑食午飯，
食飽飽就返屋企啦!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!