就嚟中秋節，
呢排D芋頭特別粉，
今日我就買咗半個芋頭嚟炆腩排，
呢個餸細仔特別鐘意，
因為有佢至愛嘅芋頭，
飯都食多碗呀!
材料: 芋頭半個、腩排2條$65、南乳1磚、冰糖粒適量、紹酒半湯匙、
老抽少許、薑4片、蔥粒
醃料: 豉油1湯匙、糖1茶匙、生粉1茶匙、麻油少許
做法: 芋頭去皮後切件；南乳用半湯匙紹酒搓勻；
腩排洗淨後落醃料醃30分鐘；
燒熱煲仔落油，加腩排和薑片略煎兩面後，落南乳炒勻，
等腩排沾滿南乳後，加適量水(蓋過腩排)和冰糖粒煮滾後，
轉細火慢慢炆30分鐘後熄火；
燒熱鑊落油，煎芋頭兩面至少少焦黃色後，倒入南乳腩排炆至芋頭腍，
加少許老抽調色，最後灑上蔥粒便成。
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!