噚日小魔怪WFH，
煮咗蝦仁肉片炒烏冬做午餐，
炒咗3包烏冬，
點知小魔怪話唔夠食喎!
平時我和老公食都係炒3包烏冬，
我哋兩個係食唔哂，
仲剩一大碗架!
估唔到依家小魔怪咁大食，
咁我下次要炒多D先得啦!
材料: 烏冬3包、梅頭豬肉$25、蝦仁15隻、菜芯適量
醃料: 豉油2茶匙、糖1茶匙、生粉1茶匙、麻油少許
調味: 蠔油半湯匙、老抽適量、豉油2茶匙、糖1茶匙、水5湯匙
做法: 梅頭豬肉切片後，落醃料醃15分鐘；菜芯洗淨切半；
蝦仁解凍印乾水份，落少許胡椒粉、鹽和麻油撈勻；
燒熱油鑊落豬肉片炒至兩面轉色，加入少許水煮至肉熟後，
落蝦仁和菜芯炒勻，加入烏冬和調味炆煮至汁濃，最後灑少許麻油便成。
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!