屋企仲有三色椒係雪櫃，
拿拿臨要煮埋佢先得喇!
我仲摷到好耐之前去潮州旅行時買嘅菜脯乾，
加埋梅頭豬肉粒落去一齊炒，
炒完之後好似爭咁D嘢咁，
最後灑咗D鹽炒花生落去，
嘩，
好味道呀!
呢個餸送粥送飯都好好食架!
(花生係惠州買10蚊大大包)
材料: 三色椒各半個、梅頭瘦肉$25、菜脯乾適量、蒜蓉、鹽炒花生
醃料: 豉油半湯匙、鹽1/4茶匙、糖1茶匙、生粉1茶匙、麻油
調味: 蠔油半湯匙、老抽少許、豉油少許、糖1茶匙
做法: 梅頭瘦肉切粒，落醃料醃15分鐘；三色椒切粒；菜脯浸淡後切粒
燒熱鑊落油炒肉粒至半熟後贊紹酒半湯匙，加適量水煮至肉熟後，
加蒜蓉、三色椒和菜脯炒勻煮多1分鐘或汁濃，上碟後灑上鹽炒花生便成。
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!