蒜香小排骨

打風啦!打風啦!

聽講話呢個"山竹"無論風速、外圍環流和雨帶好犀利，

大家一定要做好防風措施呀!

今日晚餐整咗碟蒜香小排骨，

炸起嚟咸咸香香，

啤一啤就最啱啦!

附上上午和黃昏拍攝嘅天水圍景色，

看似仲未受颱風影響呀!

材料: 一字排骨$50、蒜蓉1湯匙、蔥粒、生粉2茶匙、炸蒜蓉適量

醃料: 鹽1茶匙、糖1茶匙、蒜粉1茶匙、豉油1茶匙、胡椒粉少許、

麻油少許、紹酒半湯匙

做法: 一字排骨洗淨後，用廚紙索乾水份，落醃料醃隔夜；

從雪櫃取出排骨，放室溫1小時後，盡量除去排骨表面嘅蒜蓉；

加2茶匙生粉將排骨撈勻後，放入燒熱油鑊裡炸至金黃色，用廚紙索油後，

將排骨放入大碟內，灑上炸蒜蓉和蔥粒便成。

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page