之前切咗個洋蔥冇用到，
今日就用佢煮雞啦!
豉汁洋蔥雞，
我食得最多嘅唔係雞，
而係D洋蔥呀!
材料: 雞1隻、洋蔥1個、豆豉粒1湯匙、獨子蒜1個(切片)、
乾蔥頭2個(切絲)、薑3片、蔥白、蔥段、生粉水
醃料: 豉油1湯匙、鹽半茶匙、糖1茶匙、麻油少許、紹油半湯匙
調味: 蠔油1湯匙、鹽半茶匙、老抽半湯匙、糖1茶匙、紹酒1湯匙
做法: 雞洗淨後用廚紙索乾水份，加醃料醃1小時；
洋蔥切件；豆豉粒浸10分鐘瀝乾水份備用；
燒熱油鑊落雞件略煎兩面至7成熟後盛起；
轉用另一個煲仔熱鍋落油，先爆香蒜片、乾蔥絲、薑片和蔥白至出香味，
落豆豉粒和洋蔥爆香炒勻，加雞件和調味撈勻後，
加鍋蓋煮8~10分鐘，落生粉水埋芡汁後，加埋蔥段撈勻便成。
~由於洋蔥和雞件會出水，所以煮呢個煲仔菜係可以唔使加水呀!
大家可以入嚟Facebook讚下我新開嘅Fans專頁呀!
我都是食配料的，索晒D味好正
回覆刪除哈哈，又同我爭食!
刪除