咸魚肉碎炒飯

今晚得我和老公兩個人食飯，

見雪櫃有幾碗冷飯，

一於炒冷飯食算囉!

之前買咗件咸魚收我成廿皮，

都唔平架!

材料: 冷飯4碗、咸魚1/4件、豬肉碎$15、雞蛋2隻、生菜半個

醃料: 豉油1茶匙、糖半茶匙、生粉1茶匙、麻油少許、水1湯匙

調味: 蒸魚豉油適量

做法: 豬肉碎落醃料醃半小時；雞蛋落少許鹽發勻；生菜切絲；咸魚切粒；

燒熱鑊落雞蛋快炒至9成熟後盛起；原鑊落豬肉碎炒至熟後，

落咸魚炒勻至出咸魚香味，加入冷飯和雞蛋炒至飯粒粒分明，

最後落埋生菜絲和灑上蒸原豉油炒勻便成。

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page