臨近中秋，
又係食芋頭嘅時候喇!
小魔怪至愛食芋頭，
每次煮親呢個餸，
佢一定會食多幾碗飯架!
材料: 芋頭半個、一字排骨$50、南乳(大)1磚、冰糖粒1湯匙、紹酒半湯匙、
老抽少許、薑2片、蔥絲
醃料: 豉油1茶匙、糖1茶匙、生粉1茶匙、麻油少許
做法: 芋頭去皮切件；排骨洗淨後用醃料醃1小時；
南乳用半湯匙紹酒搓勻；燒熱鑊落油，煎芋頭兩面至少少焦黃色上碟備用；
燒熱煲仔落油，加薑片和排骨略煎兩面後，落南乳爆炒，
等排骨炒勻至每件排骨沾滿南乳，加2碗半水和冰糖煮滾後，
轉細火慢慢炆25分鐘後，落芋頭炆多15~20分鐘或至芋頭腍，
加少許老抽調色，或按個人口味加糖調味後，灑上蔥絲裝飾便成。
大家可以入嚟Facebook讚下我新開嘅Fans專頁呀!
芋頭合時，會夠粉同好味。
回覆刪除我真係唔識揀芋頭，次次都係撞彩買到個粉芋頭呀!
刪除英國無芋頭架，得冰貨，唔好食嘅。
回覆刪除我都買過冰鮮芋頭，真係冇咁好食架!
刪除好友 小週末愉快！謝謝分享好餸菜！ 晴雨秋濃！外出保重！
回覆刪除多謝多謝!
刪除