雀后~歡迎!歡迎蒞臨朱家天地!

唔想再食了無新意的家常菜？唔知外面的餐廳有無用地溝油？覺得下廚好難、好麻煩？定係，根本無時間下廚？無論如何，自己親手烹調的最健康、最美味同安全﹗ 幸福可以好簡單，為自己的家人洗手作羹湯，雖然平凡，卻絕對是人間美味。平凡的食材、用簡單步驟，就能令你同家人一齊感受舌尖上的幸福﹗ 雀后，自問只是一名平凡的家庭主婦，然而她每天都會用心經營，為家人送上最暖的心意，煮出一道道幸福美味。自從大小魔怪出生後，雀后從不假手於人，一家大小的飲食都是她一手包辦，由買餸醃肉到落手落腳煮，都親力親為，務求家人食得健康，食得開心﹗

2018年9月21日星期五

馬來西亞肉骨茶

上次煲肉骨茶，

小魔怪話唔夠佢食喎!

今次就買足料嚟煲呢煲肉骨茶，

點知小魔怪臨時唔返嚟食飯，

咁唯有我同老公一齊嘆頭啖湯啦!

材料: 豬筒骨和排骨$70、雞腳20隻、獨子蒜頭6個、馬來西亞肉骨茶包1包

調味: 老抽1湯匙、生抽2湯匙、蠔油1湯匙、鹽少許

做法: 豬筒骨、排骨和雞腳洗淨後，放入鍋內加水煮滾，

出水8~10分鐘後撈起，將排骨和雞腳(剪甲)沖水備用；

燒熱12碗水，加入排骨、雞腳、獨子蒜頭和馬來西亞肉骨茶包，

先煲滾15分鐘，加埋調味後轉小火煲1小時便成。