今日買咗2塊梅頭豬扒，
不過唔記得買洋蔥，
所以冇得整洋蔥豬扒，
點算好???
我見雪櫃仲有碗粟米粒，
有計啦!
晚餐整咗呢碟粟米雞蛋炒豬肉粒，
大人細路都鐘意食呀!
材料: 罐頭粟米粒1碗、梅頭豬扒2塊、雞蛋2隻
醃料: 豉油1湯匙、鹽半茶匙、糖1茶匙、生粉1茶匙、麻油少許
調味: 蠔油2茶匙、糖少許
做法: 梅頭豬扒解凍後切粒，落醃料醃15分鐘；罐頭粟米粒隔水備用；
雞蛋落少許鹽發勻後，放入熱油鑊內炒散後上碟；
原鑊落油燒熱，加入豬肉粒煎至兩面金黃色至8成熟，
加入粟米粒後炒勻，落調味和3湯匙水煮至豬肉粒全熟後，
加入雞蛋炒勻後，最後落少連生粉水埋芡汁便成。
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!